May 07, 2022
May 07, 2022
ദോഹ : മൂന്നു ദിവസത്തെ സന്ദർശനത്തിനായി കേന്ദ്ര വിദേശകാര്യ സഹമന്ത്രി വി.മുരളീധരൻ നാളെ ഖത്തറിൽ എത്തും.ഖത്തർ വിദേശകാര്യ സഹമന്ത്രി സുൽത്താൻ ബിൻ സാദ് അൽ മുറൈഖി,ശൂറാ കൗൺസിൽ സ്പീക്കർ ഹസൻ ബിൻ അബ്ദുല്ല അൽ ഗാനിം എന്നിവരുമായും മറ്റ് ഉന്നത തല പ്രതിനിധികളുമായും അദ്ദേഹം കൂടിക്കാഴ്ച നടത്തും.സന്ദർശനത്തിനിടെ ഖത്തറിലെ ഇന്ത്യൻ സമൂഹവുമായും അദ്ദേഹം കൂടിക്കാഴ്ച നടത്തുന്നുണ്ട്.'ആസാദി കാ അമൃത് ' മഹോത്സവത്തിന്റെ ഭാഗമായി ദോഹയിൽ നടക്കുന്ന സാംസ്കാരിക പരിപാടിയിലും അദ്ദേഹം പങ്കെടുക്കും.
2023 ൽ ഖത്തർ,ഇന്ത്യ നയതന്ത്ര ബന്ധത്തിന്റെ സിൽവർ ജൂബിലി ആഘോഷിക്കാനിരിക്കെയാണ് കേന്ദ്ര വിദേശകാര്യ സഹമന്ത്രി ഖത്തർ സന്ദർശിക്കുന്നത്.കേന്ദ്ര മന്ത്രിയായതിന് ശേഷം ഇതാദ്യമായാണ് വി.മുരളീധരൻ ഖത്തർ സന്ദർശിക്കുന്നത്.നാളെ ദോഹയിലെത്തുന്ന മുരളീധരൻ സന്ദർശനം പൂർത്തിയാക്കി ഈ മാസം 10 ന് നാട്ടിലേക്ക് തിരിക്കും.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
