November 25, 2021
November 25, 2021
അഫ്ഗാനിസ്ഥാന്റെ നിയന്ത്രണം താലിബാൻ ഏറ്റെടുത്തത് മുതൽ അഫ്ഗാനിലെ നയതന്ത്ര കാര്യങ്ങളിൽ സജീവമായി ഇടപെടുന്ന രാജ്യമാണ് ഖത്തർ. അഫ്ഗാനിൽ അകപ്പെട്ട വിദേശപൗരന്മാരെ പുറത്തെത്തിക്കാൻ ഖത്തർ വഹിച്ച പങ്കിന് അന്താരാഷ്ട്ര തലത്തിൽ പ്രശംസ ലഭിച്ചിരുന്നു. ലോകരാജ്യങ്ങൾക്കും താലിബാനും ഇടയിൽ ദൂതരായി വർത്തിക്കുന്ന ഖത്തർ തന്നെയാണ് കാബൂൾ വിമാനത്താവളത്തിലെ സ്ഥിതിഗതികൾ നിയന്ത്രിക്കുന്നതും ഖത്തറാണ്. ഖത്തറിന്റെ ഈ അപ്രമാദിത്വം അവസാനിപ്പിച്ച്, മേഖലയിൽ ആധിപത്യം നേടിയെടുക്കാനുള്ള നടപടികൾ യുഎഇ ആരംഭിച്ചതായുള്ള റിപ്പോർട്ടുകളാണ് ഇപ്പോൾ പുറത്തുവരുന്നത്. നാലോണം മാധ്യമങ്ങൾ ഈ വാർത്ത സ്ഥിരീകരിച്ചതായി അന്താരാഷ്ട്ര മാധ്യമ ഏജൻസിയായ റോയിട്ടേഴ്‌സ് ആണ് വാർത്ത പുറത്തുവിട്ടത്. താലിബാനുമായി യുഎഇ നിരവധി ചർച്ചകൾ നടത്തിയ യുഎഇ, തുർക്കിക്കൊപ്പം കാബൂൾ വിമാനത്താവളം തങ്ങൾ പ്രവർത്തിപ്പിക്കാമെന്ന നിർദ്ദേശം മുന്നോട്ടുവെക്കുകയും ചെയ്തു. അഫ്ഗാനിസ്ഥാൻ അമേരിക്കക്ക് കീഴിലായിരുന്നപ്പോൾ വിമാനത്താവളത്തിന്റെ പ്രവർത്തനത്തിൽ യുഎഇ ഭാഗമായിരുന്നു. ഈ അനുഭവസമ്പത്ത് താലിബാന്റെ തീരുമാനം മാറ്റാൻ സഹായിക്കുമെന്നും യുഎഇ കണക്കുകൂട്ടുന്നു. താലിബാൻ യുഎഇയോട് ധനസഹായം അഭ്യർത്ഥിച്ചെന്നും റിപ്പോർട്ടുകളുണ്ട്. അതേ സമയം, ഈ റിപ്പോർട്ടുകളോട് താലിബാനോ ഖത്തറോ പ്രതികരിച്ചിട്ടില്ല.
