January 09, 2020
January 09, 2020
ബാഗ്ദാദ് : ബാഗ്ദാദിലെ അതീവ സുരക്ഷാ മേഖലയായ ഗ്രീൻസോൺ ലക്ഷ്യമാക്കി വീണ്ടും റോക്കറ്റ് ആക്രമണം. പ്രാദേശിക സമയ രാത്രി 12 മണിയോടെ രണ്ടു റോക്കറ്റുകൾ അമേരിക്കൻ എംബസിക്ക് സമീപം പതിച്ചതായാണ് ഇറാഖിസൈനിക വൃത്തങ്ങൾ നൽകുന്ന സൂചന. എന്നാൽ ആളപായമോ കാര്യമായ നാശനഷ്ടങ്ങളോ റിപ്പോർട്ട് ചെയ്യപ്പെട്ടിട്ടില്ല.
ഇതിനിടെ, ഉപരോധം പിൻവലിക്കാതെ അമേരിക്കയുമായി ഒരു തരത്തിലുള്ള ചർച്ചക്കും തയാറല്ലെന്ന് ഇറാൻ വ്യക്തമാക്കി. ഇറാനുമായി ചർച്ചയ്ക്ക് തയാറാണെന്ന അമേരിക്കയുടെ നിർദേശം ഇറാൻ തള്ളി. ആത്മാർത്ഥതയില്ലാത്ത വാചക കസർത്തുകൾക്ക് ഇനിയും തയാറല്ലെന്ന നിലപാടാണ് ഇറാൻ പ്രഖ്യാപിച്ചത്.ഇന്നലെ രാത്രി പ്രസിഡന്റ് ഡൊണാൾഡ് ട്രംപ് ഇറാനുമായി ഇപ്പോൾ യുദ്ധത്തിനില്ലെന്നു പ്രഖ്യാപിച്ചതിന് പിന്നാലെ ഇറാന്റെ പ്രതികരണമറിയാൻ ലോകം കാത്തിരിക്കുകയായിരുന്നു.