December 14, 2019
December 14, 2019
ദോഹ : ഇറാനെതിരായ അമേരിക്കൻ ഉപരോധം അന്താരാഷ്ട്ര നിയമങ്ങളുടെ ലംഘനമാണെന്നും യു.എൻ ചാർട്ടറിന് വിരുദ്ധമാണെന്നും മലേസ്യൻ പ്രധാനമന്ത്രി ഡോ.മഹാതിർ മുഹമ്മദ് പറഞ്ഞു. ഇന്ന് രാവിലെ ദോഹ ഫോറത്തിന്റെ ഉൽഘാടന സെഷനിൽ സംസാരിക്കുന്നതിനിടെയാണ് അദ്ദേഹം ഇക്കാര്യം പറഞ്ഞത്. ഇറാനെതിരായ ഉപരോധത്തെ മലേസ്യ പിന്തുണക്കില്ലെന്നും അദ്ദേഹം കൂട്ടിച്ചേർത്തു.
മലേസ്യ ഉൾപെടെയുള്ള രാജ്യങ്ങൾക്ക് അമേരിക്കൻ ഉപരോധം കാരണം ലോകത്തെ ഏറ്റവും വലിയ വിപണികളിൽ ഒന്നാണ് നഷ്ടപ്പെട്ടത്. ഇത്തരം ഉപരോധങ്ങൾ അന്താരാഷ്ട്ര നിയമങ്ങളുടെ വ്യക്തമായ ലംഘനമാണ്. യു.എൻ ചാർട്ടറിന് വിധേയമായി മാത്രമേ ഇത്തരം ഉപരോധങ്ങൾ നടപ്പിലാക്കാൻ കഴിയൂ എന്നും ഡോ.മഹാതിർ മുഹമ്മദ് വ്യക്തമാക്കി.
