February 02, 2020
February 02, 2020
ദോഹ : ഖത്തറിൽ വിദഗ്ധ പരിശോധനക്കയച്ച കൊറോണ സംശയിക്കുന്ന രണ്ടു ഫലങ്ങൾ കൂടി നെഗറ്റിവ് ആണെന്ന് സ്ഥിരീകരിച്ചു. സംശയമുള്ള 25 രോഗികളിൽ 23 പേർക്കും വൈറസ് ബാധയില്ലെന്ന് നേരത്തെ സ്ഥിരീകരിച്ചിരുന്നു. അവശേഷിക്കുന്ന രണ്ടു പേരുടെ പരിശോധനാ ഫലം ഇന്ന് വൈകീട്ടോടെയാണ് അധികൃതർ പുറത്തുവിട്ടത്. രണ്ടു പേർക്കും രോഗബാധയില്ലെന്ന് ഉറപ്പായി. നിലവിൽ ഖത്തറിൽ ആർക്കും കൊറാണാ വൈറസ് ബാധയില്ലെന്ന് പൊതുജനാരോഗ്യ മന്ത്രാലയം അധികൃതർ വ്യക്തമാക്കി.
സംശയാസ്പദമായ കേസുകൾ കൈകാര്യം ചെയ്യാനും ആരോഗ്യപ്രവർത്തകരെ ബോധവൽക്കരിക്കുന്നതിനും ആരോഗ്യമന്ത്രാലയം പ്രത്യേകം സംവിധാനങ്ങൾ ഒരുക്കിയിട്ടുണ്ടെന്ന് പാൻഡെമിക് കമ്മറ്റി ചെയർമാൻ ഡോ.അബ്ദുൽ ലത്തീഫ് അൽ ഖാൽ പറഞ്ഞു.
കൊറോണാ വൈറസ് സംശയിച്ച 25 പേർ സമീപകാലത്തായി ചൈന സന്ദർശിച്ചവരാണ്. ഇവരിൽ സ്വദേശികളും വിദേശികളുമുണ്ട്. ഇവർ സ്വമേധയാ ആശുപത്രിയിൽ എത്തി പരിശോധനയ്ക്ക് വിധേയരാവുകയിരുന്നുവെന്ന് പ്രൈമറി ഹെൽത്ത്കെയർ കോർപറേഷനിലെ ഹെൽത്ത് പ്രൊട്ടക്ഷൻ മാനേജർ ഡോ.ഖാലിദ് ഹമീദ് എലവാദ് പറഞ്ഞു.
