October 18, 2019
October 18, 2019
ദോഹ : ഖത്തറിൽ ജോലി ചെയ്യുന്ന മലയാളി നെഴ്സ് ദമ്പതികളുടെ രണ്ടു മക്കൾ ഹമദ് ആശുപത്രിയിൽ മരണപ്പെട്ടു.ഏഴ് മാസം പ്രായമുള്ള രിദ,മൂന്നര വയസ്സുള്ള രിദു എന്നീ മക്കളാണ് മരിച്ചത്.
കോഴിക്കോട് ഫറൂഖ് സ്വദേശി ഹാരിസിന്റെയും നാദാപുരം കുമ്മങ്കോട് സ്വദേശി വാണിയൂർ മമ്മൂട്ടിയുടെ മകൾ ഷമീമയുടയും മക്കളാണ്. ഹാരിസ് അബൂനഖ്ല പബ്ലിക് ഹെൽത്ത് സെന്ററിൽ നെഴ്സാണ്. ഷമീമ ദോഹയിലെ നസീം അൽ റബീഹ് മെഡിക്കൽ സെന്ററിൽ നെഴ്സായി ജോലി ചെയ്യുന്നു.ഭക്ഷ്യവിഷബാധയാണ് കുട്ടികളുടെ മരണത്തിന് കാരണമെന്ന് സ്ഥിരീകരിക്കാത്ത റിപ്പോർട്ടുകൾ ഉണ്ട്.ഇക്കാര്യം സ്ഥിരീകരിച്ചുകൊണ്ടുള്ള ഔദ്യോഗിക വിവരങ്ങളൊന്നും ഇതുവരെ ലഭിച്ചിട്ടില്ല.
ഷമീമയും ഹാരിസും ഹമദ് ആശുപത്രിയിൽ ചികിത്സയിലാണ്.
വിവരമറിഞ്ഞു ഷമീമയുടെ മാതാപിതാക്കൾ ദോഹയിലേക്ക് തിരിച്ചിട്ടുണ്ട്.കൂടുതൽ വിവരങ്ങൾ ലഭ്യമല്ല.