September 23, 2020
September 23, 2020
ദോഹ : തൃശ്ശൂർ അഴീക്കോട് കൊടുങ്ങല്ലൂർ സ്വദേശിയും സാമൂഹികപ്രവർത്തകനുമായ സുഹൈല്‍ കൊടുങ്ങല്ലൂര്‍ (52) ഖത്തറിൽ നിര്യാതനായി.പ്രവാസി മലയാളി ഓര്‍ഗനൈസേഷന്‍ പ്രസിഡന്റും സാമൂഹിക വിദ്യാഭ്യാസ മത രംഗത്ത് സജീവവുമായിരുന്നു.അഴീക്കോട് മരപ്പാലത്തിന് സമീപം ഇ.കെ ഇബ്രാഹിംകുട്ടിയുടെ മകനാണ്.
അല്‍ഖോറിലെ താമസ സ്ഥലത്ത് ചൊവ്വാഴ്ച ഉച്ചക്ക് ഹൃദയാഘാതം മൂലമാണ് മരണപ്പെട്ടതെന്ന് ബന്ധപ്പെട്ടവര്‍ അറിയിച്ചു. അല്‍ഖോറിലെ സീഷോര്‍ കമ്പനിയിൽ പി.ആര്‍.ഒ ആയി ജോലി ചെയ്യുകയായിരുന്നു. കുടുംബം നാട്ടിലാണ്. ഭാര്യ: റൈഹാനത്ത്. മക്കള്‍: സുഹാന്‍, വിധാന്‍, നിദ. മൃതദേഹം നാട്ടില്‍ കൊണ്ടുപോകാനുള്ള ശ്രമം നടക്കുന്നുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആപ് നമ്പറിലേക്ക് സന്ദേശമയക്കുക
