December 17, 2018
December 17, 2018
ദോഹ: ഖത്തർ ദേശീയ ദിനാഘോഷത്തിന്റെ ഭാഗമായി തിരഞ്ഞെടുക്കപ്പെട്ട തടവുകാർക്ക് ഖത്തർ അമീർ ഷെയ്ഖ് തമീം ബിൻ ഹമദ് അൽതാനി പൊതുമാപ്പ് പ്രഖ്യാപിച്ചു. അമീരി ദീവാനി ഇന്നലെ പുറത്തിറക്കിയ വാർത്താക്കുറിപ്പിലാണ് ഇക്കാര്യം പറയുന്നത്. ഗുരുതരമല്ലാത്ത കുറ്റങ്ങൾക്ക് ജയിൽ ശിക്ഷ അനുഭവിക്കുന്ന തടവുകാരെയാണ് വിശേഷ ദിനങ്ങളിൽ അമീർ പൊതുമാപ്പ് നൽകി വിട്ടയക്കാറുള്ളത്. തടവുകാരെ സംബന്ധിച്ച വിവരങ്ങൾ പിന്നീട് അതാത് എംബസികളെ അറിയിക്കും.
