December 19, 2021
December 19, 2021
ദോഹ: ഫിഫ അറബ് കപ്പ് ചാമ്പ്യൻ ഷിപ്പിെന്‍റ കലാശപ്പോരാട്ടത്തില്‍ അല്‍ബെയ്ത് സ്റ്റേഡിയത്തിൽ കാൽപന്ത് കളിയുടെ ആരാധക ഹൃദയം നിറക്കാൻ എത്തിയത് ഇതിഹാസ താരങ്ങൾ. അതേസമയം,അറുപതിനായിരം പേരെ ഉൾകൊള്ളുന്ന സ്റ്റേഡിയത്തിൽ കളി കാണാനെത്തിയത് 60,456 ഫുട്‍ബോൾ ആരാധകർ.
അമീര്‍ ശൈഖ് തമീം ബിന്‍ ഹമദ് ആല്‍ഥാനിയുടെ സാന്നിധ്യംകൊണ്ട് ശ്രദ്ധേയമായ ഫൈനലില്‍, ഫിഫ പ്രസിഡന്റ് ജിയാനി ഇന്‍ഫന്‍റിനോ, ഫുട്ബാള്‍ ഇതിഹാസങ്ങളായ ഡേവിഡ് ബെക്കാം, യാവിയര്‍ മഷറോനോ, നുനോ ഗോമസ്, ആന്ദ്രെ പിര്‍ലോ, യായ ടുറെ, യൂറി ജോര്‍കഫ്, ക്രിസ്റ്റ്യന്‍ കരമ്പേ, മുന്‍ ആഴ്സണല്‍ കോച്ച്‌ ആഴ്സന്‍ വെങ്ങര്‍ എന്നിവര്‍ അല്‍ജീരിയ -തുനീഷ്യ ഫൈനല്‍ മത്സരത്തിന് സാക്ഷിയായി ഗാലറിയില്‍ ഇടം പിടിച്ചു. മുന്‍ ഫ്രഞ്ച് ലോകചാമ്പ്യൻ ടീം അംഗം മാഴ്സല്‍ ഡിയേല്‍സയും മുന്‍ ഒമാന്‍ താരം അലി അല്‍ ഹബ്സിയുമായിരുന്നു ജേതാക്കള്‍ക്കുള്ള ട്രോഫിയെത്തിച്ചത്. ഫൈനലിന് സാക്ഷ്യം വഹിക്കാന്‍ ഖത്തര്‍ ദേശീയ ടീം അംഗങ്ങളും സ്റ്റേഡിയത്തിലുണ്ടായിരുന്നു.
വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
