March 27, 2022
March 27, 2022
മലപ്പുറം ജില്ലയിലെ തിരൂർ പ്രവാസികളുടെ സംഘടനയായ 'ടീം തിരൂർ ഖത്തറി'ന്റെ വാർഷികസംഗമത്തിന്റെ ഭാഗമായി, ടീം തിരൂർ ഫെസ്റ്റ് സീസൺ -3 ഐഡിയൽ സ്കൂളിൽ നടന്നു. പ്രസിഡന്റ് അഷ്‌റഫ് ചിറക്കലിന്റെ അഭാവത്തിൽ സലീം കൈനിക്കര അധ്യക്ഷനായി. ചീഫ് കോർഡിനേറ്റർ സദീർ അലിയാണ് പരിപാടിയിൽ സ്വാഗതം പറഞ്ഞത്. റേഡിയോ മിർച്ചി ഖത്തർ മേധാവി അരുൺ ലക്ഷ്മണൻ പരിപാടി ഉദ്ഘാടനം ചെയ്തു. മുഖ്യാതിഥി റൗഫ് കുണ്ടോട്ടി, രക്ഷാധികാരികളായ അബ്ദുളള ഹാജി (ടോക്യോ ഫ്രൈറ്റ്), സൈഫൂട്ടി പി.ടി (ഇന്ത്യൻ സൂപ്പർ മാർക്കറ്റ്), വൈസ് പ്രസിഡന്റ് ജാഫർ (റീട്ടെയ്ൽ മാർട്ട്), സെക്രട്ടറി നൗഷാദ് പൂക്കയിൽ, കോർഡിനേറ്റർ സമീർ, ട്രഷറർ ഫിറോസ് എന്നിവർ ആശംസകൾ നേർന്നു.
കോവിഡ് മാറി വരുന്ന സാഹചര്യത്തിൽ തുടർന്നും വിപുലമായ പരിപാടികൾ ആസൂത്രണം ചെയ്യുന്നതായി ടീം തിരൂർ ഖത്തർ പ്രസിഡൻ്റ് അഷറഫ് ചിറക്കൽ അറിയിച്ചു. രാവിലെ എട്ട് മണിക്ക് ആരംഭിച്ച പരിപാടി, രാത്രി 8 വരെ നീണ്ടുനിന്നു. കലാ കായിക പരിപാടികൾക്ക് വനിതാ കോർഡിനേറ്റർ സീമ സലിം, മറ്റ് എക്സിക്യൂട്ടീവ് അംഗങ്ങളായ ജഷീൽ, ഹംസ, സലിം നെല്ലേരി, ദാവൂദ് നെല്ലേരി, അഫ്സൽ, വിനോദ്, ഇർഫാൻ ഖാലിദ്, അർഷാദ്, സമീർ, സബാഹ്, ഒമർ എന്നിവരാണ് നേതൃത്വം നൽകിയത്.
