April 16, 2021
April 16, 2021
ദോഹ: ഖത്തര്‍ ലോകകപ്പില്‍ പങ്കെടുക്കുന്ന എല്ലാവര്‍ക്കും കൊവിഡ് പ്രതിരോധ വാക്‌സിന്‍ ലഭിച്ചുവെന്ന് ഉറപ്പാക്കാന്‍ വാക്‌സിന്‍ ദാതാക്കളുമായി സംസാരിച്ചുവെന്ന് ഖത്തര്‍ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന്‍ അബ്ദുല്‍റഹ്മാന്‍ അല്‍താനി പറഞ്ഞു. ഒബ്‌സര്‍വര്‍ റിസര്‍ച്ച് ഫൗണ്ടേഷനും ഇന്ത്യന്‍ വിദേശകാര്യ മന്ത്രാലയവും ചേര്‍ന്ന് സംഘടിപ്പിച്ച ഈ വര്‍ഷത്തെ റെയ്‌സിന ഡയലോഗില്‍ സംസാരിക്കുകയായിരുന്നു അദ്ദേഹം. വീഡിയോ കോണ്‍ഫറന്‍സിലൂടെയാണ് അദ്ദേഹം സംസാരിച്ചത്.
'ലോകകപ്പില്‍ പങ്കെടുക്കുന്ന എല്ലാവര്‍ക്കും പ്രതിരോധ കുത്തിവയ്പ്പ് ലഭിച്ചുവെന്ന് എങ്ങനെ ഉറപ്പാക്കാമെന്ന് ഞങ്ങള്‍ വാക്‌സിന്‍ ദാതാക്കളുമായി ചര്‍ച്ച നടത്തി.' -ദോഹ ഫോറം ട്വിറ്ററില്‍ പങ്കുവച്ച വീഡിയോയില്‍ ശൈഖ് മുഹമ്മദ് ബിന്‍ അബ്ദുല്‍റഹ്മാന്‍ അല്‍താനി പറഞ്ഞു.
ലോകകപ്പില്‍ പങ്കെടുക്കുന്ന എല്ലാവര്‍ക്കും വാക്‌സിന്‍ നല്‍കുന്നതിനുള്ള പരിപാടികള്‍ ഇപ്പോള്‍ വികസിപ്പിച്ചുകൊണ്ടിരിക്കുകയാണ് എന്നും ലോകകപ്പ് കൊവിഡ് രഹിത ഇവന്റായി നടത്താന്‍ തങ്ങള്‍ക്ക് കഴിയുമെന്നും അദ്ദേഹം മറ്റൊരു വീഡിയോയില്‍ പറഞ്ഞു.
ആഗോള സമൂഹം അഭിമുഖീകരിക്കുന്ന ഏറ്റവും വെല്ലുവിളി നിറഞ്ഞ പ്രശ്‌നങ്ങള്‍ പരിഹരിക്കുന്നതിന് പ്രതിജ്ഞാബദ്ധമായ ഒരു ബഹുമുഖ സമ്മേളനമാണ് റെയ്‌സീന ഡയലോഗ്. ഈ വര്‍ഷം ഇത് വ്യക്തിഗത സംഭാഷണങ്ങളും ഡിജിറ്റല്‍ ചര്‍ച്ചകളും ഉള്‍പ്പെടുന്ന ഹൈബ്രിഡ് ഫോര്‍മാറ്റിലാണ് നടത്തിയത്.
വീഡിയോ:
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
