June 22, 2022
June 22, 2022
ദോഹ : യുവ എഴുത്തുകാരൻ സുരേഷ് കൂവാട്ടിന്റെ ഏറ്റവും പുതിയ നോവലായ 'മലക്കാരി', പെരിന്തൽമണ്ണ സബ് കലക്ടർ ശ്രീധന്യ സുരേഷ് ഐ.എ.എസ്. പ്രകാശനം ചെയ്തു. ഇതിനോടകം വായനക്കാരുടെ ശ്രദ്ധപിടിച്ചുപറ്റിയ പുസ്തകത്തിൻറെ പ്രസാധകർ കണ്ണൂർ കൈരളി ബുക്‌സാണ്. പ്രമുഖ എഴുത്തുകാരി ഷീലാ ടോമിയാണ് അവതാരിക എഴുതിയത്.
അധിനിവേശത്തിന്റെ ചരിത്രം മാത്രം പറയുന്ന വയനാടിന്റെ ഭൂമികയിൽ നിന്നും ആദ്യമായി ചുരമിറങ്ങി പോയവരുടെ കഥയാണ് 'മലക്കാരി'യുടെ ഇതിവൃത്തം.കീഴാളന്റെ മനസ്സിലൂടെ ദേശത്തെയും മനുഷ്യരെയും അറിയാനാണ് പുസ്തകത്തിൽ എഴുത്തുകാരൻ ശ്രമിക്കുന്നതെന്ന് അവതാരികയിൽ ഷീലാ ടോമി കുറിച്ചിടുന്നു.
ഖത്തർ പ്രവാസികൂടിയായ സുരേഷ് കൂവാട്ട്, പ്രശസ്ത റെസ്റ്റോറന്റ് ശൃംഖലയായ 'ടീ ടൈം' ഗ്രൂപ്പിൽ മീഡിയ കോർഡിനേറ്റർ ആയി സേവനമനുഷ്ടിക്കുന്നു. കണ്ണൂർ ജില്ലയിലെ തലശ്ശേരി ചമ്പാടാണ് സ്വദേശം. സുനജയാണ് ഭാര്യ, അവന്ധികയും ഗൗതമിയും മക്കളാണ്. ആദ്യപുസ്തകമായ 'തേൻവരിക്ക' എന്ന കഥാസമാഹാരവും ഏറെ നിരൂപക പ്രശംസ പിടിച്ചുപറ്റിയിരുന്നു.
പുതിയ നോവലിന് സമൂഹ മാധ്യമങ്ങളിൽ ഇതിനോടകം മികച്ച പ്രതികരണമാണ് ലഭിക്കുന്നത്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
