May 26, 2022
May 26, 2022
ദോഹ : രാജ്യത്ത് അന്തരീക്ഷ താപനില ഉയരുന്ന സാഹചര്യത്തിൽ തുറസ്സായ സ്ഥലങ്ങളിൽ ജോലിചെയ്യുന്നവർക്കുള്ള സമയ നിയന്ത്രണം ജൂൺ ഒന്ന് മുതൽ പ്രാബല്യത്തിൽ വരുമെന്ന് തൊഴിൽമന്ത്രാലയം അറിയിച്ചു.നിയന്ത്രണങ്ങൾ സെപ്റ്റംബർ 15 വരെ തുടരും.
ഈ കാലയളവിൽ രാവിലെ 10 മുതൽ വൈകുന്നേരം 3.30 വരെ തുറസ്സായ സ്ഥലങ്ങളിൽ കമ്പനികൾ തൊഴിലാളികളെക്കൊണ്ട് ജോലി ചെയ്യിക്കരുതെന്നാണ് നിർദേശം. വൈകുന്നേരം മൂന്നരക്ക് ശേഷവും രാവിലെ പത്തു മണി വരെയും ജോലി ചെയ്യാം.
നിർമാണ കമ്പനികളും അടിസ്ഥാനസൗകര്യ വികസന കമ്പനികളും നിയമം പാലിക്കണം. തൊഴിലാളികളുടെ ജോലി സമയം കമ്പനികൾ ജോലി സ്ഥലത്തു പ്രദർശിപ്പിക്കണം.
നിയമം പാലിക്കുന്നുണ്ടെന്ന് ഉറപ്പുവരുത്താൻ ലേബർ ഇൻസ്‌പെക്ടർമാർ തൊഴിലിടങ്ങളിൽ പരിശോധന നടത്തും. നിയമം ലംഘിക്കുന്നവർക്കെതിരിരെ കർശന നടപടി സ്വീകരിക്കുമെന്നും മന്ത്രാലയം വ്യക്തമാക്കി.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
