April 16, 2022
April 16, 2022
മലപ്പുറം : തിരൂർ സ്വദേശിയായ മെഡിക്കൽ വിദ്യാർത്ഥി യുക്രൈനിലുണ്ടായ ബൈക്കപകടത്തിൽ കൊല്ലപ്പെട്ടു. ചമ്രവട്ടത്തെ പാട്ടത്തിൽ മുഹമ്മദ് റാഫി - നസീറ ദമ്പതികളുടെ മകൻ മുഹമ്മദ് റിസ്‌വാൻ ആണ് മരിച്ചത്. 22 വയസായിരുന്നു യുക്രൈൻ നഗരമായ അർമേനിയയിലാണ് അപകടം നടന്നത്.
താമസിക്കുന്ന ഇടത്തുനിന്നും നോമ്പുതുറയ്ക്കുള്ള വിഭവങ്ങൾ വാങ്ങാനാണ് റിസ്‌വാൻ പുറത്തേക്ക് ഇറങ്ങിയത്. അവസാന വർഷ വിദ്യാർത്ഥി ആയിരുന്ന റിസ്‌വാൻ, വിസ ക്രെഡിറ്റ് ട്രാൻസ്ഫറുമായി ബന്ധപ്പെട്ട കാര്യത്തിനായാണ് അർമേനിയയിൽ എത്തിയത്. നോർക്കയുടെ സഹായത്തോടെ മൃതദേഹം നാട്ടിലെത്തിച്ച്, ചമ്രവട്ടം ജുമാ മസ്ജിദ് ഖബർസ്ഥാനിൽ ഖബറടക്കും.
സഹോദരങ്ങൾ : റമീസ്, മുഹമ്മദ് സമാൻ
