March 02, 2021
March 02, 2021
ദോഹ: ഖത്തറിലെ ശൂറ കൗണ്‍സിലിന്റെ പതിവ് പ്രതിവാര യോഗം വീഡിയോ കോണ്‍ഫറന്‍സ് മുഖേനെ നടന്നു. സ്പീക്കര്‍ അഹമ്മദ് ബിന്‍ അബ്ദുല്ല ബിന്‍ സെയ്ദ് അല്‍ മഹമൂദിന്റെ അധ്യക്ഷതയില്‍ കൗണ്‍സില്‍ ആസ്ഥാനത്തായിരുന്നു യോഗം.
9 അധ്യായങ്ങളും 58 വകുപ്പുകളുമുള്ള എന്‍ഡോവ്‌മെന്റ് (വഖഫ്) സംബന്ധിച്ച കരട് നിയമത്തെ കുറിച്ചുള്ള നിയമകാര്യ സമിതിയുടെ റിപ്പോര്‍ട്ട് കൗണ്‍സില്‍ ചര്‍ച്ച ചെയ്തു. എന്‍ഡോവ്‌മെന്റ് ഏര്‍പ്പെടുത്തുന്നത്, വിതരണം ചെയ്യുന്നത്, അതിന്റെ വ്യവസ്ഥകള്‍, സിവില്‍ എന്‍ഡോവ്‌മെന്റ്, എന്‍ഡോവ്‌മെന്റിന്റെ മേല്‍നോട്ടം, പരിപാലനം, ഘടന, നിക്ഷേപം എന്നിവയെല്ലാം ഉള്‍പ്പെടുന്നതാണ് റിപ്പോര്‍ട്ട്.
1996 ലെ എട്ടാം നമ്പര്‍ നിയമത്തിന് പകരമായാണ് കരട് നിയമം വരുന്നത്. സമിതി റിപ്പോര്‍ട്ടിന്മേലുള്ള വിശദമായ ചര്‍ച്ചയ്ക്ക് ശേഷം കരട് നിയമത്തിന് അംഗീകാരം നല്‍കാനും അതുമായി ബന്ധപ്പെട്ട ശുപാര്‍ശകള്‍ സര്‍ക്കാറിന് സമര്‍പ്പിക്കാനും കൗണ്‍സില്‍ തീരുമാനിച്ചു.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
