April 27, 2021
April 27, 2021
ദോഹ : ഡ്രൈവ് ത്രൂ വാക്സിനേഷൻ കേന്ദ്രങ്ങളിൽ തിരക്ക് വർധിക്കുന്ന സാഹചര്യത്തിൽ രണ്ടാമത്തെ ഡോസ് കോവിഡ് പ്രതിരോധ വാക്സിൻ എടുക്കാൻ അതാത് പ്രൈമറി ഹെൽത്ത് സെന്ററുകൾ സമീപിക്കാൻ നിർദേശം.നേരത്തെ ആദ്യ ഡോസ് വാക്സിൻ സ്വീകരിച്ചവർ രണ്ടാമത്തെ ഡോസിനായി നിർദിഷ്ട പ്രാഥമികാരോഗ്യ കേന്ദ്രത്തെ സമീപിക്കണമെന്ന് ആരോഗ്യമന്ത്രാലയം എസ്.എം.എസ് സന്ദേശം വഴി അറിയിച്ചതായി പ്രാദേശിക പത്രം റിപ്പോർട്ട് ചെയ്തു.
ഫസ്റ്റ് ഡോസ് സ്വീകരിച്ച അതേ ഹെല്‍ത്ത് സെന്ററില്‍ സെക്കന്റ് ഡോസ് എടുക്കുന്നത് സംബന്ധിച്ച് ഫോളോ അപ്പ് എസ്.എം.എസ് ലഭിക്കുമെന്നാണ് പലര്‍ക്കും കിട്ടിയ സന്ദേശത്തിൽ പറയുന്നത്. ഇഹ്തിറാസ് ആപ്പിൽ ഗ്രീന്‍ സ്റ്റാറ്റസ്, വാക്‌സിനേഷന്‍ കാര്‍ഡ്, ഖത്തര്‍ ഐഡി എന്നിവ കൈയില്‍ കരുതണമെന്നും സന്ദേശത്തില്‍ പറയുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
