December 09, 2021
December 09, 2021
ദോഹ : ഖത്തർ അമീർ ഷെയ്ഖ് തമീം ഹമദ് ബിൻ അൽതാനിയും സൗദി കിരീടാവകാശി മുഹമ്മദ് ബിൻ സൽമാനും കൂടിക്കാഴ്ച്ച നടത്തി. ഖത്തർ സന്ദർശനത്തിന്റെ ഭാഗമായി ദോഹയിലെത്തിയ സൽമാൻ, ദോഹയിലെ അമീരി ദിവാനിലെത്തിയാണ് അമീറിനെ നേരിൽ കണ്ടത്. ഇരുരാജ്യങ്ങൾക്കും ഇടയിലെ നയതന്ത്രബന്ധം ദൃഢമാക്കുന്നതിനെ പറ്റിയായിരുന്നു ചർച്ച.
ഡിസംബർ 14 ന് നടക്കാനിരിക്കുന്ന 41ആം ജിസിസി ഉച്ചകോടിയുടെ ഭാഗമായാണ് സൗദി കിരീടാവകാശിയായ സൽമാൻ ഖത്തറിൽ എത്തിയത്. അറബ് മേഖലയിൽ സമാധാനം പുലരാൻ ഇരുരാജ്യങ്ങളും പരിശ്രമിക്കുമെന്ന് ഇരുഭരണാധികാരികളും ഒരേ സ്വരത്തിൽ അറിയിച്ചു. ഹൂതി വിമതരുടെ ആക്രമണത്തെ ചെറുക്കാൻ സൗദി ഖത്തറിന്റെ സഹായം തേടിയതായും റിപ്പോർട്ടുകളുണ്ട്.
