December 21, 2020
December 21, 2020
ദോഹ : രൂപമാറ്റത്തോടെയുള്ള കോവിഡ് വ്യാപനം തടയുന്നതിന്റെ ഭാഗമായി സൗദിയും ഒമാനും കുവൈത്തും അതിർത്തികൾ അടച്ചതോടെ ഖത്തറിൽ നിന്ന് പുറത്തേക്ക് യാത്ര ചെയ്യാനിരുന്ന പലരും യാത്രകൾ റദ്ദാക്കി.അടുത്ത ദിവസങ്ങളിൽ നാട്ടിലേക്ക് പോകാനിരുന്ന മലയാളികൾ ഉൾപ്പെടെയുള്ള നിരവധി ഇന്ത്യക്കാർ യാത്ര റദ്ദാക്കിയതായി വിവിധ ട്രാവൽ ഏജൻസികൾ 'ന്യൂസ്റൂ'മിനെ അറിയിച്ചു.
നാട്ടിലേക്ക് പോയാൽ തിരിച്ചു ഖത്തറിലേക്ക് വരാൻ ബുദ്ധിമുട്ടാകുമെന്ന കണക്കുകൂട്ടലിലാണ് പലരും യാത്ര റദ്ദാക്കിയത്.നിലവിൽ ഖത്തർ പോർട്ടൽ വഴി പേർ രജിസ്റ്റർ ചെയ്തിട്ടും തിരിച്ചുവരാൻ അനുമതി ലഭിക്കാതെ നിരവധി പേരാണ് നാട്ടിൽ കുടുങ്ങി കിടക്കുന്നത്.മറ്റു ഗൾഫ് രാജ്യങ്ങൾക്ക് പിന്നാലെ ഖത്തറും അതിർത്തികൾ അടക്കുന്ന സാഹചര്യമുണ്ടായാൽ മാസങ്ങൾ നീണ്ട കാത്തിരിപ്പിന് ശേഷം അനുമതി ലഭിച്ചവരുടെ തിരിച്ചുവരവും വീണ്ടും പ്രതിസന്ധിയിലാകും.
ഇതിനിടെയാണ് പുതുതായി നാട്ടിലേക്ക് പോകാനിരുന്നവരും യാത്രകൾ റദ്ദാക്കുന്നത്.
TELEGRAM
FACEBOOK PAGE
https://www.facebook.com/newsroomme
00974 66200167