March 02, 2022
March 02, 2022
ദോഹ : സബാഹ് അൽ അഹ്മദ് കോറിഡോറിലെ ഹലൗൽ ജംക്ഷൻ എട്ട് മണിക്കൂറോളം അടച്ചിടുമെന്ന് അഷ്‌ഗാൽ അറിയിച്ചു. മാർച്ച്‌ അഞ്ച് വെള്ളിയാഴ്ച, പുലർച്ചെ 2 മണി മുതൽ രാവിലെ 10 മണിവരെയാണ് റോഡ് അടച്ചിടുക. പുതിയ സൂചനാ ബോർഡുകളും മറ്റും സ്ഥാപിക്കാനാണ് അറ്റകുറ്റപ്പണി നടത്തുന്നതെന്ന് അഷ്‌ഗാൽ വ്യക്തമാക്കി. ഹമദ് വിമാനത്താവളത്തിൽ നിന്നും സൽവ റോഡിലേക്കുള്ള ഗതാഗതത്തിന് വെള്ളിയാഴ്ച രാവിലെ തടസം നേരിടും. ഹമദ് വിമാനത്താവളത്തിൽ നിന്നും വരുന്നവർ, ഹലൗൽ ജംക്ഷനിൽ നിന്നും വലത്തോട്ട് തിരിഞ്ഞ്, ഖലീഫ അൽ അതിയ്യ ജംക്ഷനിലൂടെ സൽവ റോഡിലേക്ക് പ്രവേശിക്കണം.
