December 26, 2021
December 26, 2021
ദോഹ : ഖത്തറിൽ താമസിക്കുന്നവർക്ക് 18 വയസിൽ താഴെ പ്രായമുള്ള കുട്ടികളുടെ ക്യുഐഡിക്കായി മെത്രാഷ് 2 ആപ്പ് ഉപയോഗിക്കാം. ആപ്പിന്റെ ഡിജിറ്റൽ വാലറ്റിൽ ക്യുഐഡി സൂക്ഷിക്കാനുള്ള സംവിധാനം ഉണ്ടെന്ന് ആഭ്യന്തരമന്ത്രാലയം അറിയിച്ചു. മുകളിലെ മെനുവിൽ നിന്നും വാലറ്റ് തിരഞ്ഞെടുത്ത്, ക്യുഐഡി നമ്പർ നൽകിയാൽ ഡിജിറ്റൽ കോപ്പി സ്വന്തമാക്കാം. ആഭ്യന്തരമന്ത്രാലയത്തിന്റെ കീഴിൽ വരുന്ന ഔദ്യോഗികകാര്യങ്ങൾക്ക് ഈ കോപ്പി ഉപയോഗിക്കാം. അറബി, മലയാളം, ഇംഗ്ലീഷ്, ഫ്രഞ്ച്, ഉർദു, സ്പാനിഷ് എന്നീ ഭാഷകളിൽ ഉപയോഗിക്കാവുന്ന മെത്രാഷ് 2 ആപ്പിൽ 220 സേവനങ്ങൾ ലഭ്യമാണ്.
