March 02, 2021
March 02, 2021
ദോഹ: ഒമ്പത് മാസത്തിനിടെ ഖത്തറിലെ ജനസംഖ്യയില്‍ വലിയ കുറവുണ്ടായതായി പ്ലാനിങ് ആന്‍ഡ് സ്റ്റാറ്റിസ്റ്റിക്‌സ് അതോറിറ്റി. കഴിഞ്ഞ ഒമ്പത് മാസത്തിനിടെ 147,000 ല്‍ അധികം പേരാണ് ജനസംഖ്യയില്‍ നിന്ന് കുറഞ്ഞത്. 2020 മെയ് മാസത്തില്‍ 28.07 ലക്ഷമായിരുന്നു ഖത്തറിലെ ജനസംഖ്യ. എന്നാല്‍ 2021 ഫെബ്രുവരിയില്‍ ഇത് 26.60 ലക്ഷമായി കുറഞ്ഞതായി പ്ലാനിങ് ആന്‍ഡ് സ്റ്റാറ്റിസ്റ്റിക്‌സ് അതോറിറ്റിയുടെ കണക്കുകള്‍ വ്യക്തമാക്കുന്നു.
2020 ജൂണ്‍ മാസത്തില്‍ 27.9 ലക്ഷം, ജൂലൈ മാസത്തില്‍ 27.4 ലക്ഷം, ഓഗസ്റ്റ് മാസത്തില്‍ 27.3 ലക്ഷം, സെപ്റ്റംബര്‍ മാസത്തില്‍ 27.2 ലക്ഷം, ഒക്ടോബര്‍ മാസത്തില്‍ 27.17 ലക്ഷം, നവംബര്‍ മാസത്തില്‍ 27.15 ലക്ഷം, ഡിസംബര്‍ മാസത്തില്‍ 26.8 ലക്ഷം, ജനുവരി മാസത്തില്‍ 26.6 ലക്ഷം എന്നിങ്ങനെയാണ് ഖത്തറിലെ പ്രതിമാസ ജനസംഖ്യയുടെ കണക്ക്. ജനസംഖ്യയിലെ ക്രമമായ താഴ്ച ഇതില്‍ വ്യക്തമാണ്.
ഖത്തറിലെ പുരുഷന്മാരുടെ എണ്ണം 19 ലക്ഷവും സ്ത്രീകളുടെ എണ്ണം 750,910 ഉം ആണെന്നും പ്ലാനിങ് ആന്‍ഡ് സ്റ്റാറ്റിസ്റ്റിക്‌സ് അതോറിറ്റി വ്യക്തമാക്കി.
ജനസംഖ്യ രേഖപ്പെടുത്തുമ്പോള്‍ ഖത്തറിന് പുറത്തുള്ള പൗരന്മാരുടെ എണ്ണം ഇതില്‍ ഉള്‍പ്പെടുത്താന്‍ കഴിഞ്ഞിട്ടില്ല.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
