May 08, 2022
May 08, 2022
അൻവർ പാലേരി
ദോഹ : ഖത്തറിന്റെ മുൻ ഫുടബോൾ ദേശീയ താരം ആദൽ അൽ മുല്ല ഹൃദയാഘാതത്തെ തുടർന്ന് ലണ്ടനിൽ നിര്യാതനായി.തുടക്കത്തിൽ അൽ അറബി എഫ്‌സിക്ക് വേണ്ടി കളിച്ചിരുന്ന അദ്ദേഹം പിന്നീട് അൽ റയാൻ ക്ലബ്ബിനു വേണ്ടിയും അൽഖോർ ക്ലബ്ബിനു വേണ്ടിയും ബൂട്ടണിഞ്ഞിരുന്നു.1992-ൽ ബാഴ്‌സലോണ ഒളിമ്പിക്‌സിലേക്കുള്ള യോഗ്യതാ മത്സരത്തിൽ ജപ്പാനെ പരാജയപ്പെടുത്താൻ ദേശീയ ടീമിനെ സഹായിച്ച ചരിത്ര ഗോൾ നേടിയത് ആദൽ അൽ മുല്ലയിലൂടെയായിരുന്നു.
സമൂഹ മാധ്യമങ്ങളിൽ അനുശോചനം രേഖപ്പെടുത്തിയ ഖത്തറിലെ പ്രമുഖരും ഫുട്ബോൾ താരങ്ങളും വിവിധ ക്ലബ്ബുകളും "ധീരനായ കളിക്കാരൻ" എന്നാണ് അദ്ദേഹത്തെ വിശേഷിപ്പിച്ചത്.
ഖത്തർ ഫുട്ബോൾ അസോസിയേഷൻ മുല്ലയുടെ മരണ വിവരം ട്വിറ്ററിലൂടെ അറിയിക്കുകയായിരുന്നു.ഏതാനും ദിവസങ്ങൾക്ക് മുമ്പാണ് അദ്ദേഹം ഖത്തറിൽ നിന്ന് ലണ്ടനിലേക്ക് പോയത്.മൃതദേഹം ഖത്തറിൽ എത്തിച്ചു ഖബറടക്കും.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
