November 28, 2021
November 28, 2021
ദോഹ : അടുത്ത വർഷം ഖത്തറിൽ അരങ്ങേറാനിരിക്കുന്ന ഫുട്ബോൾ ലോകകപ്പിനോട് അനുബന്ധിച്ചുള്ള ബസ്സുകളിൽ രണ്ടായിരം മലയാളികളെ ഡ്രൈവറായി നിയമിക്കും. മൂവായിരത്തോളം ബസ്സുകളാണ് ഖത്തർ ഗവണ്മെന്റ് ലോകകപ്പിനായി ഒരുക്കുന്നത്. ഇവയിൽ ഭൂരിഭാഗം ബസ്സുകളും ഓടിക്കാനുള്ള ദൗത്യം മലയാളികൾക്കായിരിക്കും. മികച്ച ഡ്രൈവർമാരെ തിരഞ്ഞെടുക്കുന്നതിനായി ഖത്തർ നിയോഗിച്ച പ്രത്യേകസംഘം ഇതിനായി കൊച്ചിയിലെത്തി.
ഇംഗ്ലീഷ് ഭാഷ എളുപ്പം വഴങ്ങുമെന്നതിനാലാണ് മലയാളികൾക്ക് മുൻഗണന നൽകാൻ തീരുമാനിച്ചതെന്ന് ഔദ്യോഗികവൃത്തങ്ങൾ അറിയിച്ചു. കൊച്ചിയിലെ അങ്കമാലി അഡ്ലക്സ് ഗ്രൗണ്ടിൽ വെച്ച് എഴുത്തുപരീക്ഷയും എറണാകുളം ചാത്യാത്ത് ക്വീൻസ് വാക്ക് വേയിൽ റോഡ് ടെസ്റ്റും നടത്തിയാണ് ഡ്രൈവർമാരെ തിരഞ്ഞെടുക്കുക. രണ്ട് ഘട്ടങ്ങളും നാളെ നടക്കും. ഒന്നരവർഷത്തേക്കുള്ള കരാറിൽ തിരഞ്ഞെടുക്കപ്പെടുന്ന ഡ്രൈവർമാർക്ക് കരാർ കാലഘട്ടം അവസാനിച്ചാൽ ഖത്തറിൽ തന്നെ മറ്റ് ജോലികൾ അന്വേഷിക്കാനും കഴിയും.
