January 05, 2022
January 05, 2022
ദോഹ : കോവിഡ് കാരണം നിലവിൽ വന്ന റെഡ്,, ഗ്രീൻ യാത്രാ ലിസ്റ്റുകളിൽ വീണ്ടും മാറ്റങ്ങൾ വരുത്തിയതായി ഖത്തർ ആരോഗ്യമന്ത്രാലയം അറിയിച്ചു. ജനുവരി 8 വൈകുന്നേരം വൈകീട്ട് 7 മണി മുതൽ മുതലാണ് പുതിയ മാറ്റങ്ങൾ നിലവിൽ വരിക. പുതുക്കിയ ലിസ്റ്റ് പ്രകാരം ഗ്രീൻ ലിസ്റ്റിൽ 143 രാജ്യങ്ങൾ ആണുള്ളത്. റെഡ് ലിസ്റ്റിലേക്ക് പുതുതായി പത്ത് രാജ്യങ്ങളെ കൂടി ഉൾപ്പെടുത്തിയിട്ടുണ്ട്.
ഓസ്ട്രിയ, എസ്റ്റോണിയ, ഗ്രീസ്, ഗ്രീൻലാന്റ്, ഹംഗറി, ഐസ്ലാന്റ്, ലാത്‌വിയ, പോർച്ചുഗൽ, ട്രിനിഡാഡ് ആൻഡ് ടൊബാഗോ, തുർക്കി എന്നീ രാജ്യങ്ങളെ ആണ് കൂടുതൽ നിയന്ത്രണങ്ങൾ ഉള്ള റെഡ് ലിസ്റ്റിൽ ഉൾപ്പെടുത്തിയത്. ഇതോടെ ലിസ്റ്റിലെ രാജ്യങ്ങളുടെ എണ്ണം 57 ആയി ഉയർന്നു. ഇന്ത്യ അടക്കമുള്ള ഒമ്പതോളം രാജ്യങ്ങൾ ഇപ്പോഴും അതിതീവ്ര ഭീഷണിയുള്ള എക്സെപ്ഷണൽ റെഡ് ലിസ്റ്റിൽ തുടരുകയാണ്.
