April 26, 2022
April 26, 2022
ദോഹ : ഖത്തർ ടൂറിസത്തിന്റെ ആഭിമുഖ്യത്തിൽ ഇത്തവണ ഇതാദ്യമായി മൂന്നു ദിവസം നീണ്ടുനിൽക്കുന്ന ഈദ് ഫെസ്റ്റിവൽ സംഘടിപ്പിക്കുന്നു.ദോഹ കോർണിഷിൽ മെയ് 3 ചൊവ്വാഴ്ച മുതൽ മെയ് 5 വ്യാഴാഴ്ച വരെ വൈകുന്നേരം 4 മണി മുതൽ രാത്രി 11 വരെയാണ് ആഘോഷ പരിപാടികൾ നടക്കുക.സ്റ്റേജ് ഷോകൾ,വിവിധ കാർണിവൽ ഗെയിമുകൾ,ഫുഡ് ട്രക്കുകൾ,കിയോസ്കുകൾ എന്നിവയ്ക്ക് പുറമെ വാദ്യമേളങ്ങളോട് കൂടിയ കൂറ്റൻ ബലൂൺ പരേഡും ആഘോഷങ്ങൾക്ക് മാറ്റ് കൂട്ടും.മൂന്നു ദിവസവും രാത്രി 9 മണിക്ക് നിറപ്പകിട്ടാർന്ന വെടിക്കെട്ടുമുണ്ടാവും.
ആഘോഷങ്ങളുടെ ഭാഗമായി വൈകുന്നേരം 7.30 പ്രാദേശിക കലാകാരന്മാർ അണിനിരക്കുന്ന സംഗീത പരിപാടികൾ നടക്കും.
ഈദ് ആഘോഷങ്ങൾ നടക്കുന്നതിനാൽ മെയ് 3 മുതൽ 5 വരെ കോർണിഷിൽ ഗതാഗത നിയന്ത്രണം ഏർപ്പെടുത്തുമെന്ന് അഷ്‌ഗാൽ അറിയിച്ചിരുന്നു.ഇതിനു പുറമെ,കോർണിഷ് നവീകരണ പ്രവർത്തനങ്ങളുടെ ഭാഗമായി ഇന്ന് മുതൽ ഒരാഴ്ചത്തേക്ക് ചില ഭാഗങ്ങൾ ഭാഗികമായി അടക്കുകയും ചെയ്യും.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
