July 15, 2020
July 15, 2020
ദോഹ : ഖത്തറിൽ പ്രതിദിനം സ്ഥിരീകരിക്കപ്പെടുന്ന പുതിയ കോവിഡ് രോഗികളുടെ എണ്ണം ഗണ്യമായി കുറയുന്നു. ഒരു ലക്ഷത്തിലധികം പേർക്ക് കോവിഡ് സ്ഥിരീകരിച്ച ഖത്തറിൽ നിലവിൽ 3195 പേർ മാത്രമാണ് കോവിഡ് പോസറ്റിവായി തുടരുന്നത്. കഴിഞ്ഞ 24 മണിക്കൂറിനിടെ 450 പേർക്കാണ് പുതുതായി രോഗം സ്ഥിരീകരിച്ചത്.അതേസമയം 477 പേർക്ക് രോഗം ഭേദമായി.രോഗം ഭേദമായവരുടെ എണ്ണം ഇതോടെ 101,637 ആയി.
ഒരാൾ കൂടി മരണപ്പെട്ടതോടെ മരണസംഖ്യ 151 ആയി.അഞ്ചു പേരെ മാത്രമാണ് പുതുതായി തീവ്രപരിചരണ വിഭാഗത്തിൽ പ്രവേശിപ്പിച്ചത്. 135 പേരാണ് ഗുരുതരാവസ്ഥയിൽ തുടരുന്നത്.
52 പേരെ പുതുതായി ആശുപത്രിയിൽ പ്രവേശിപ്പിച്ചിട്ടുണ്ട്. 592 കിടപ്പുരോഗികളാണ് കോവിഡ് ബാധിച്ച് ആശുപത്രിയിൽ തുടരുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക