August 21, 2022
August 21, 2022
അൻവർ പാലേരി
ദോഹ : ഖത്തർ ലോകകപ്പിന് ശേഷവും ലോക കായിക ഭൂപടത്തിലെ സുപ്രധാന കേന്ദ്രമായി ഖത്തറിനെ നിലനിർത്താനുള്ള ശ്രമം തുടരുന്നു.ഇതിന്റെ ഭാഗമായി ലോകത്തെ പ്രധാന അന്താരാഷ്ട്ര കായിക മത്സരങ്ങൾ ഒന്നിന് പിറകെ മറ്റൊന്നായി ഖത്തറിലേക്ക് വന്നുകൊണ്ടിരിക്കുന്നതിന്റെ സൂചനകളാണ് പുറത്തുവരുന്നത്.ഏറ്റവും ഒടുവിൽ അന്താരാഷ്ട്ര ബീച്ച് വോളിബോൾ ടൂർണമെന്റിന്റെ ഫൈനൽ മത്സരങ്ങൾക്ക് തുടർച്ചയായ മൂന്നു വർഷവും ഖത്തർ വേദിയാകും. ഇതിനായി വോളിബോൾ വേൾഡ്, ഖത്തർ വോളിബോൾ അസോസിയേഷൻ, ആസ്പയർ സോൺ ഫൗണ്ടേഷൻ എന്നിവയുടെ സഹകരണത്തോടെ മൂന്നു വർഷത്തേക്കുള്ള കരാറുകളിൽ ഒപ്പുവെച്ചതായി ഖത്തർ വോളിബോൾ അസോസിയേഷൻ പ്രസിഡണ്ട് അലി ഗാനെം അൽ ഖുവാരി അറിയിച്ചു.
ബീച്ച് പ്രോ ടൂർ ഫൈനലിലേക്കുള്ള യോഗ്യതാ മത്സരങ്ങൾ ഈ വർഷം ഡിസംബർ 3 വരെ തുടരും.മാലിദ്വീപ്,ദുബായ്,കെയ്‌റോ,ആസ്ട്രേലിയയിലെ ടോർക്വേ,പാരിസ്,കേപ്ടൗൺ,ബ്രസീൽ എന്നിവിടങ്ങളിലായാണ് ഈ മത്സരങ്ങൾ നടക്കുന്നത്.ഇതിന്റെ ഫൈനൽ മത്സരങ്ങൾ 2023 ജനുവരിയിൽ ദോഹയിൽ നടക്കും.ആസ്പയർ പാർക്ക് സ്‌പോർട്‌സ് കോംപ്ലക്‌സിലായിരിക്കും മത്സരങ്ങൾ നടക്കുക. 800,000 യു.എസ്ഡോളറാണ് ജേതാക്കളെ കാത്തിരിക്കുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
