December 30, 2021
December 30, 2021
ദോഹ : ഖത്തർ സ്റ്റാർസ് ലീഗിൽ അൽ വക്രയും അൽ സദ്ദ് എഫ്സിയും തമ്മിൽ നടക്കേണ്ടിയിരുന്ന മത്സരം മാറ്റിവെച്ചു. ഇരുടീമുകളിലെയും താരങ്ങളിൽ ചിലർക്ക് കോവിഡ് വൈറസ് ബാധ പിടിപെട്ടതിനെ തുടർന്നാണ് മത്സരം മാറ്റിയതെന്ന് അധികൃതർ അറിയിച്ചു. ഏതൊക്കെ കളിക്കാർക്കാണ് രോഗബാധയെന്നത് പുറത്തുവിട്ടിട്ടില്ല.
താരങ്ങളുടെ സുരക്ഷയ്ക്കും ആരോഗ്യത്തിനുമാണ് പ്രഥമപരിഗണനയെന്നും, മത്സരം മറ്റൊരുദിവസം നടക്കുമെന്നും 'ഖത്തർ സ്റ്റാർസ് ലീഗ്' പത്രക്കുറിപ്പിലൂടെ അറിയിച്ചു. മത്സരത്തിന്റെ ടിക്കറ്റുകൾ നേരത്തെ തന്നെ സ്വന്തമാക്കിയവർക്ക് പണം തിരികെ ലഭിക്കും. ഈ മത്സരം നടക്കുന്ന ദിവസത്തിൽ ഇതേ ടിക്കറ്റ് ഉപയോഗിച്ച് കളി കാണാമെന്നും അധികൃതർ അറിയിച്ചു. റീഫണ്ടിനും മറ്റും tickets@qsl.com.qa. എന്ന ഇമെയിൽ അഡ്രസിൽ ബന്ധപ്പെടാനും അധികൃതർ അറിയിച്ചു.
