October 25, 2019
October 25, 2019
ദോഹ: ഫിഫ റാങ്കിങ്ങില്‍ ഖത്തറിനു മികച്ച നേട്ടം. പുതിയ റാങ്കുപട്ടികയില്‍ അഞ്ചു സ്ഥാനം മുന്നോട്ടു ചാടിയ ഖത്തര്‍ ടീം 57-ാം സ്ഥാനത്താണുള്ളത്.അടുത്തിടെ നടന്ന വിവിധ ഏഷ്യന്‍, ലോകകപ്പ് യോഗ്യതാ മത്സരങ്ങളിലെ മികച്ച പ്രകടനാണ് ഖത്തറിനു കരുത്തായത്.അതേസമയം, ഏഷ്യന്‍ രാജ്യങ്ങളില്‍ ഖത്തര്‍ അഞ്ചാം സ്ഥാനത്താണുള്ളത്. ആഗോള പട്ടികയില്‍ 27-ാം സ്ഥാനത്തുള്ള ഇറാന്‍ തന്നെയാണ് ഏഷ്യന്‍ രാജ്യങ്ങളില്‍ മുന്നിലുള്ളത്.
1,755 പോയിന്റുമായി ബെല്‍ജിയം ഒന്നാം സ്ഥാനത്ത് തുടരുകയാണ്. ലോകചാംപ്യന്മാരായ ഫ്രാന്‍സ് 1,276 പോയിന്റുമായി രണ്ടാം സ്ഥാനത്തും ബ്രസീല്‍ 1,155 പോയിന്റുമായി മൂന്നാം സ്ഥാനത്തുമുണ്ട്. നാലാം സ്ഥാനത്ത് ഇംഗ്ലണ്ടും അഞ്ചാം സ്ഥാനത്ത് ഉറുഗ്വെയുമാണ്. പോര്‍ച്ചുഗല്‍(ആറ്), ക്രൊയേഷ്യ(ഏഴ്), സ്‌പെയിന്‍(എട്ട്), അര്‍ജന്റീന(ഒന്‍പത്), കൊളംബിയ(പത്ത്) എന്നിവയാണ് ആദ്യ പത്തിലുള്ള മറ്റു ടീമുകള്‍.
