May 30, 2020
May 30, 2020
ദോഹ : ഖത്തറിൽ ശനിയാഴ്ച 2355 പേർക്ക് പുതുതായി കോവിഡ് സ്ഥിരീകരിച്ചു. എന്നാൽ തുടർച്ചയായ ഏതാനും ദിവസങ്ങൾക്ക് ശേഷം ഇന്ന് മരണങ്ങളൊന്നും റിപ്പോർട്ട് ചെയ്യപ്പെട്ടില്ല. രോഗമുക്തി നേടുന്നവരുടെ എണ്ണവും ഏതാനും ദിവസങ്ങളായി ഗണ്യമായി ഉയർന്നിട്ടുണ്ട്.കഴിഞ്ഞ 24 മണിക്കൂറിനിടെ 5235 പേർക്കാണ് രോഗമുക്തി ലഭിച്ചത്.പുതുതായി രോഗം സ്ഥിരീകരിച്ചവരുടെ എണ്ണത്തേക്കാൾ ഇരട്ടിയിലേറെയാണ് സുഖം പ്രാപിച്ചവരുടെ എണ്ണം. ഇത് ആശ്വാസം നൽകുന്നുണ്ട്. കോവിഡ് പോസ്‍റ്റിവായവർ പതിനാലു ദിവസങ്ങൾക്ക് ശേഷവും രോഗലക്ഷണങ്ങളൊന്നും കാണിക്കുന്നില്ലെങ്കിൽ വിട്ടയക്കുമെന്ന് കഴിഞ്ഞ ദിവസം ആരോഗ്യ മന്ത്രാലയം അറിയിച്ചിരുന്നു.
ഇതോടെ രാജ്യത്ത് ഇതുവരെ കോവിഡ് സ്ഥിരീകരിച്ചവരുടെ എണ്ണം 55,262 ഉം രോഗമുക്തി ലഭിച്ചവരുടെ എണ്ണം 25,839 മായി.പതിനെട്ട് പേരെയാണ് പുതുതായി തീവ്ര പരിചരണ വിഭാഗത്തിൽ പ്രവേശിപ്പിച്ചത്.മുപ്പത്തിയാറു പേരാണ് ഇതുവരെ കോവിഡ് ബാധിച്ച് മരണപ്പെട്ടത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
