April 27, 2020
April 27, 2020
ദോഹ : ഖത്തറിൽ തിങ്കളാഴ്ച 957 പേരിൽ കൂടി പുതുതായി കോവിഡ് രോഗം സ്ഥിരീകരിച്ചു. ഇതോടെ രാജ്യത്തെ മൊത്തം കോവിഡ് സ്ഥിരീകരിച്ച കേസുകൾ 11,244 ആയി. ഇന്ന് 54 പേർ കൂടി രോഗവിമുക്തി നേടിയതോടെ മൊത്തം സുഖം പ്രാപിച്ചവരുടെ എണ്ണം 1066 ആയി. ഇതുവരെ പത്ത് പേരാണ് ഖത്തറിൽ കോവിഡ് ബാധിച്ച് മരിച്ചത്.
കഴിഞ്ഞ 24 മണിക്കൂറിൽ 3420 പേരിൽ രോഗപരിശോധന നടത്തിയിട്ടുണ്ട്. ഇതുവരെ 85,709 പേരിൽ കോവിഡ് പരിശോധന നടത്തിയതായും ആരോഗ്യമന്ത്രാലയം അറിയിച്ചു.
ഞായറാഴ്ച രാജ്യത്ത് 929 പേരിൽ രോഗബാധ സ്ഥിരീകരിച്ചിരുന്നു.കഴിഞ്ഞ ബുധനാഴ്ചക്ക് ശേഷം ഖത്തറിൽ കോവിഡ് മരണങ്ങളൊന്നും റിപ്പോർട്ട് ചെയ്തിട്ടില്ല.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
