April 29, 2020
April 29, 2020
ദോഹ : ഖത്തറിൽ ബുധനാഴ്ച 643 പേരിൽ കോവിഡ് 19 സ്ഥിരീകരിച്ചു. അതേസമയം കഴിഞ്ഞ ഒരാഴ്ചയായി ഖത്തറിൽ ഒരു കോവിഡ് മരണം പോലും റിപ്പോർട്ട് ചെയ്യപ്പെടാത്തത് ആശ്വാസമാവുന്നു. അസുഖം ഭേദപ്പെടുന്നവരുടെ എണ്ണവും ഗണ്യമായി ഉയരുന്നുണ്ട്. കഴിഞ്ഞ 24 മണിക്കൂറിനിടെ 109 പേർക്കാണ് രോഗവിമുക്തി ലഭിച്ചത്. രാജ്യത്ത് ആകെ രോഗബാധിതരുടെ എണ്ണം 12,564 ആയി. ആകെ സുഖം പ്രാപിച്ചവരുടെ എണ്ണം 1,243 ആണ്.
കഴിഞ്ഞ 24 മണിക്കൂറിനിടെ 2808 പേരിലാണ് കോവിഡ് പരിശോധന നടത്തിയത്. ഇതുവരെ 91,415 പേരിൽ പരിശോധന നടത്തിയിട്ടുണ്ട്.പത്തു പേർ മാത്രമാണ് ഇതുവരെ ഖത്തറിൽ കോവിഡ് ബാധിച്ചു മരിച്ചത്. കഴിഞ്ഞ 20 നാണ് ഖത്തറിൽ അവസാനത്തെ കോവിഡ് മരണം റിപ്പോർട്ട് ചെയ്തത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
