January 12, 2022
January 12, 2022
ദോഹ : കോവിഡ് കേസുകളിൽ റെക്കോർഡ് വർധനവ് രേഖപ്പെടുത്തുമ്പോഴും, രാജ്യത്തെ ആരോഗ്യരംഗം പരിപൂർണസജ്ജമെന്ന് അധികൃതർ. ആശുപത്രിയിൽ കിടക്കകൾ അടക്കമുള്ള സർവ്വസന്നാഹങ്ങളും ആവശ്യത്തിന് ലഭ്യമാണെന്നും ഹമദ് മെഡിക്കൽ കോർപറേഷൻ മേധാവി ഡോക്ടർ അഹമ്മദ് അൽ മുഹമ്മദ് വ്യക്തമാക്കി.
ഖത്തർ സിറ്റി എക്സ്ചേഞ്ചിൽ ഒരു ഖത്തർ റിയാലിന്റെ ഇന്നത്തെ വിനിമയ നിരക്ക് 20.12 മൊബൈൽ ആപ് വഴി പണമയക്കുന്നവർക്ക് 20.16
ഖത്തർ ടീവിയിലെ പ്രോഗ്രാമിൽ സംസാരിക്കവെയാണ് കോവിഡിനെ നേരിടാൻ രാഷ്ട്രം എത്രത്തോളം മുന്നൊരുക്കങ്ങൾ നടത്തിയിട്ടുണ്ടെന്ന് ഡോക്ടർ അഹമ്മദ് മാധ്യമങ്ങളെ അറിയിച്ചത്. കോവിഡ് രോഗികൾക്കായി കിടക്കകൾ ഒഴിച്ചിട്ടിട്ടുണ്ടെന്നും ആവശ്യമെങ്കിൽ പ്രവർത്തനം ആരംഭിക്കാവുന്നത്ര സജ്ജമായ കെട്ടിടങ്ങളും ആരോഗ്യവകുപ്പിന്റെ കീഴിലുണ്ടെന്നും ഡോക്ടർ അറിയിച്ചു. തീവ്ര പരിചരണ വിഭാഗത്തിലെ കിടക്കകൾക്ക് ദൗർലഭ്യം നേരിട്ടേക്കാമെന്ന അഭ്യൂഹം തെറ്റാണെന്നും ഡോക്ടർ അറിയിച്ചു.
