March 31, 2022
March 31, 2022
ദോഹ : ഖത്തറിലെ ചാവക്കാട് നിവാസികളുടെ സൗഹൃദ കൂട്ടായ്മയായ ചാവക്കാട് പ്രവാസി അസോസിയേഷൻ സംഘടിപ്പിക്കുന്ന QRI-CPA ക്രിക്കറ്റ് ലീഗ് ഫൈനൽ മത്സരത്തിൽ മികച്ച അന്താരാഷ്ട്ര ടീമുകളായ ദോഹ റോക്കേഴ്‌സും ടസ്‌ക്കേഴ്‌സും ഏറ്റുമുട്ടും. ഏപ്രിൽ 1-ന് വൈകുന്നേരം 5.30ന് ഏഷ്യൻ ടൗൺ ക്രിക്കറ്റ് സ്റ്റേഡിയത്തിൽ നടക്കുന്ന ഫൈനലിൽ
ഇന്ത്യൻ എംബസി ഡിഫൻസ് അറ്റാഷെ ക്യാപ്റ്റൻ മോഹൻ അട്ല മുഖ്യാതിഥിയായി പങ്കെടുക്കും.അസോസിയേഷൻ നടത്തിവരുന്ന ജീവകാരുണ്യ പ്രവർത്തനങ്ങൾക്കുള്ള ധനസമാഹരണത്തിന്റെ ഭാഗമായാണ് ക്രിക്കറ്റ് ലീഗ് സംഘടിപ്പിക്കുന്നത്.
സമാപന ചടങ്ങിൽ പ്രഗൽഭ ഗായകർ അണിനിരക്കുന്ന സംഗീതപരിപാടിയും പഞ്ചാരിമേളവും അരങ്ങേറും. ഖത്തറിലെ ക്രിക്കറ്റിന്റെ വളർച്ചയ്ക്ക് മികച്ചസംഭാവനകൾ നൽകിയ എംഐ ഫരീദിനേയും ഖത്തർ ദേശീയ ക്രിക്കറ്റ് ടീം ക്യാപ്റ്റനായ ഇക്ബാൽ ചൗധരിയെയും ചടങ്ങിൽ ആദരിക്കും.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
