August 06, 2022
August 06, 2022
ദോഹ: അഭ്രപാളിയിൽ കൂടുതൽ മികവുറ്റ ദൃശ്യാനുഭവങ്ങൾ പകരാൻ നാല് ആഡംബര തിയേറ്ററുകളുമായി കത്താറ സിനിമ പ്രവർത്തനം തുടങ്ങി.കത്താറ കൾച്ചറൽ വില്ലേജിലെ ബിൽഡിംഗ് 49 ലാണ് പുതിയ തിയേറ്ററുകൾ പ്രവർത്തിക്കുന്നത്.
ദൃശ്യങ്ങളെ കൂടുതൽ മികവുറ്റതാക്കാൻ നാല് തിയേറ്റർ സ്‌ക്രീനുകളിലും ക്രിസ്റ്റി റിയൽ ലേസർ പ്രൊജക്ടറുകൾ ഘടിപ്പിച്ചിട്ടുണ്ട്.മികച്ച ഡോൾബി ശ്രവ്യാനുഭവം പകരുന്ന ഗ്രൗണ്ട് ബ്രേക്കിംഗ് സ്പേഷ്യൽ ഓഡിയോ സാങ്കേതികവിദ്യയും തിയേറ്ററുകളുടെ സവിശേഷതയാണെന്ന് ഖത്തർ ഫിലിം & ഫിലിം ഡിസ്ട്രിബ്യൂഷൻ കമ്പനി തങ്ങളുടെ ഔദ്യോഗിക ഫെയ്‌സ്ബുക് പേജിൽ അറിയിച്ചു.
സിനിമാ ആസ്വാദകർക്ക് അവരുടെ ഇരിപ്പിടങ്ങളിൽ നിന്ന് തന്നെ ഭക്ഷണപാനീയങ്ങൾ ഓർഡർ ചെചെയ്യാനും സൗകര്യമുണ്ടാകും.
ഈസ്റ്റർ സൺഡേ, ബുള്ളറ്റ് ട്രെയിൻ, ദെയർ നോ സെയിന്റ്സ്, ബഹെബെക്ക് (അറബിക്), മിനിയൻസ് 2: ദ റൈസ് ഓഫ് ഗ്രു (ആനിമേഷൻ) എന്നിവയാണ് കത്താറ സിനിമയിൽ ഇപ്പോൾ പ്രദർശിപ്പിക്കുന്ന സിനിമകൾ.
അതേസമയം,ലാൻഡ്‌മാർക്ക് മാളിൽ സ്ഥിതി ചെയ്യുന്ന ഒരു തിയേറ്റർ അടച്ചതായി ഖത്തർ ഫിലിം & ഫിലിം ഡിസ്ട്രിബ്യൂഷൻ കമ്പനി നേരത്തെ അറിയിച്ചിരുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597
