March 22, 2022
March 22, 2022
ദോഹ : പരിശുദ്ധ റമദാൻ പ്രമാണിച്ച്, എണ്ണൂറോളം നിത്യോപയോഗ സാധനങ്ങൾക്ക് വിലകുറക്കുമെന്ന് ഖത്തർ വ്യവസായ മന്ത്രാലയം അറിയിച്ചു. രാജ്യത്തെ പ്രമുഖ കച്ചവടസ്ഥാപനങ്ങളുമായി കൂടിയാലോചിച്ചാണ് വില കുറക്കാൻ തീരുമാനിച്ചത്. പുതുക്കിയ വില മാർച്ച്‌ 23 മുതൽ പ്രാബല്യത്തിൽ വരും.
റമദാൻ മാസം അവസാനിക്കുന്നതുവരെ ഈ വിലക്കുറവ് തുടരും. റമദാൻ മാസത്തിൽ കുടുംബങ്ങൾക്ക് ഏറ്റവും ആവശ്യം വരുന്ന വസ്തുക്കൾക്കാണ് വിലക്കുറവ് പ്രഖ്യാപിച്ചത്. ധാന്യങ്ങൾ, പാൽ ഉത്പന്നങ്ങൾ, ചീസ്, ജൂസുകൾ, ഈത്തപ്പഴം, പഞ്ചസാര, മിനറൽ വാട്ടർ, സോപ്പുപൊടി, പച്ചക്കറികൾ, മുട്ട, വിവിധ ഇറച്ചികൾ തുടങ്ങിയ എണ്ണൂറിലധികം ഉത്പന്നങ്ങളാണ് പട്ടികയിലുള്ളത്.
