August 23, 2022
August 23, 2022
ദോഹ : ആസാദി കാ അമൃത് മഹോത്സവ്, ഇന്ത്യയുടെ എഴുപത്തിയഞ്ചാം സ്വതന്ത്രദിനാഘോഷത്തോടനുബന്ധിച്ച് ഡ്യൂൺ ട്രൂപ്പേഴ്‌സ്, ഖത്തർ മഞ്ഞപ്പടയും ചൂരക്കോടി കളരി സംഘവും ചേർന്ന് വിവിധ പരിപാടികൾ സംഘടിപ്പിച്ചു. മഞ്ഞപ്പടയുടെ താളമേളങ്ങൾക്കൊപ്പം ചൂരക്കോടി കളരി സംഘത്തിന്റെ കളരിപ്പയറ്റ് പ്രകടനവും ചേർന്നപ്പോൾ ആഘോഷം മിഴിവുറ്റ അനുഭവമായി.
ഇൻലാൻഡ് സീ ഏരിയയിൽ കലാപ്രകടനങ്ങളോടൊപ്പം നാടൻ പാട്ടുകൾ പാടിയും നൃത്തം വെച്ചും മധുരം പങ്കുവെച്ചുമാണ് സംഘം സ്വാതന്ത്ര്യ ദിനം ആഘോഷിച്ചത്. അറുപതോളം വാഹനങ്ങളും ഇരുന്നൂറോളം ആളുകളും പങ്കെടുത്ത പരിപാടി വൻവിജയമായിരുന്നുവെന്ന് പ്രോഗ്രാം കൺവീനർ റമീസ് അറിയിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
