December 05, 2021
December 05, 2021
ദോഹ : ഖത്തറിൽ ആഘോഷ രാവുകൾക്ക് കൂടുതൽ പൊലിമയേകാൻ വ്യത്യസ്തമായ പരിപാടികൾ അരങ്ങിലെത്തി തുടങ്ങി.സ്വദേശികളും വിദേശികളും ഉള്പ്പെടെ, ആയിരങ്ങള് കുടുംബസമേതമെത്തി ആഘോഷപൂർണമായ രാപ്പകലുകളെ കൂടുതൽ വർണാഭമാക്കുകയാണ്.കാൽപ്പന്തു കളിയുടെ ഹർഷാരവങ്ങൾക്കൊപ്പം നൃത്തവും സംഗീതങ്ങളുമായി വിവിധ രാജ്യങ്ങളില്നിന്നുള്ള കലാകാരന്മാരുടെ പ്രകടനങ്ങള്, രാത്രികള്ക്ക് നിറക്കാഴ്ചയൊരുക്കി വെടിക്കെട്ടുകള്, വര്ണാഭമായ ലേസര്ഷോയും, ദീപാലങ്കാരങ്ങളും.....ഒടുവിൽ അറബ് ലോകത്തെ വിഖ്യാത കലാകാരന്മാർ അണിനിരക്കുന്ന ഖത്തർ ലൈവിനും ഇന്ന് തുടക്കമാവുകയാണ്.ദോഹ എക്സിബിഷൻ ആൻഡ് കൺവൻഷൻ സെന്ററിൽ 17 വരെ നീളുന്ന പരിപാടി ഖത്തർ ടൂറിസം ആണു സംഘടിപ്പിക്കുന്നത്.
ഖത്തറിന് പുറമേ ലബനീസ്, കുവൈത്ത്, സിറിയൻ, ഒമാൻ എന്നിവിടങ്ങളിലെ പ്രശസ്തരായ 10 കലാകാരന്മാരാണ് പരിപാടികൾ അവതരിപ്പിക്കുന്നത്. ഉദ്ഘാടന ദിനമായ ഇന്ന് രാത്രി 9.30 മുതൽ ലബനീസ് ഗായിക മജിദ എൽ റൗമിയുടെ സംഗീതം ആസ്വദിക്കാം. രാത്രി 8.00 മുതൽ ഗേറ്റ് തുറക്കും. കോവിഡ് പ്രോട്ടോക്കോൾ പാലിച്ചാണ് കാണികൾക്ക് പ്രവേശനം. രാജ്യത്തെ താമസക്കാർക്കും ഫിഫ അറബ് കപ്പിനെത്തുന്ന സന്ദർശകർക്കും ഖത്തർ ലൈവ് ആസ്വദിക്കാം. വെർജിൻ മെഗാസ്സ്റ്റോർ മുഖേന ടിക്കറ്റെടുത്തവർക്കാണ് പ്രവേശനം. ഡയമണ്ട് ടിക്കറ്റിന് 750 റിയാൽ, പ്ലാറ്റിനത്തിന് 375 റിയാൽ, ഗോൾഡിന് 290 റിയാൽ, സിൽവറിന് 190 റിയാൽ, ബ്രോൺസിന് 100 റിയാൽ എന്നിങ്ങനെയാണ് നിരക്കുകൾ.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക