September 07, 2020
September 07, 2020
ദോഹ :ഖത്തറിലെ ഇന്ത്യക്കാരായ പ്രവാസികള്‍ക്കായി ഇന്ത്യന്‍ കമ്യൂണിറ്റി ബെനവലന്റ് ഫോറം(ഐസിബിഎഫ്) ആരംഭിച്ച ലൈഫ് ഇന്‍ഷുറന്‍സ് പദ്ധതി പുനരാരംഭിച്ചു. 2020 ജനുവരിയിൽ ആരംഭിച്ച ഇൻഷൂറൻസ് പദ്ധതി കോവിഡിന്റെ പശ്ചാത്തലത്തിൽ താൽക്കാലികമായി നിർത്തിവെച്ചിരുന്നു. 125 ഖത്തർ റിയാലിന് രണ്ടുവർഷത്തെ ഇൻഷൂറൻസ് പദ്ധതിയിൽ ചേരുന്നവർക്ക് ഒരു ലക്ഷം റിയാലിന്റെ പരിരക്ഷയാണ് വാഗ്ദാനം ചെയ്യുന്നത്. ദാമൻ ഇൻഷുറൻസ് കമ്പനിയുമായി ചേർന്നാണ് പദ്ധതി നടപ്പാക്കുന്നത്.ഇതുവരെ എട്ടു പേർക്ക് പദ്ധതിയുടെ ആനുകൂല്യം ലഭിച്ചിട്ടുണ്ടെന്ന് ഐ.സി.ബി.എഫ് പ്രസിഡന്റ് പി.എൻ ബാബുരാജൻ അറിയിച്ചു.
പോളിസി കാലയളവില്‍ അപകടമരണമോ, സ്വാഭാവിക മരണമോ സംഭവിക്കുകയാണെങ്കില്‍ ഒരു ലക്ഷം ഖത്തര്‍ റിയാലാണ് ഇന്‍ഷുറന്‍സ് തുകയായി ആശ്രിതര്‍ക്ക് കൈമാറുക. 18 വയസ്സു മുതല്‍ 65 വയസ്സുവരെ പ്രായമുള്ളവരും ഇന്ത്യന്‍ പാസ്പോര്‍ട്ടും ഖത്തര്‍ ഐഡി കാര്‍ഡുമുള്ള എല്ലാവര്‍ക്കും നിശ്ചിത ഫോം പൂരിപ്പിച്ചു നല്‍കി ലൈഫ് ഇന്‍ഷുറന്‍സ് എടുക്കാനാകും. അപകടത്തില്‍ ഭാഗികമായോ സ്ഥിരമായതോ ആയ വൈകല്യം സംഭവിച്ചാലും ഇന്‍ഷുറന്‍സ് തുക ലഭിക്കും.
പദ്ധതിയിൽ ചേരുന്നതിന് തുമാമ തെയ്സീർ പെട്രോൾ സ്റ്റേഷന് പിൻഭാഗത്തുള്ള ഐ സി ബി എഫ് ഓഫീസിൽ പ്രത്യേകമായി സൗകര്യം ഏർപ്പെടുത്തിയിട്ടുണ്ട്.
ന്യൂസ്‌റൂം വാർത്തകൾ വാട്സ്ആപ്പിൽ ലഭിക്കാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക.
