June 20, 2021
June 20, 2021
ദോഹ:ഖത്തര്‍ ലോകകപ്പ് ഫുട്ബോളിന് മുന്നോടിയായി നടക്കുന്ന ഖത്തര്‍ ഹെല്‍ത്ത് വെര്‍ച്വല്‍ ഹെല്‍ത്ത് കോണ്ഫറന്സ് 2022 ലേക്ക് പോസ്റ്റര്‍ പ്രചാരണത്തിനും പ്രഭാഷണങ്ങള്‍ക്കുമായി പൊതുജനങ്ങളില്‍ നിന്ന് ആശയങ്ങള്‍ ക്ഷണിച്ചു.
2022 ഫെബ്രുവരി 8 മുതല്‍ 12 വരെയാണ് ഖത്തര്‍ ഹെല്‍ത്ത് കോണ്ഫറന്സ് നടക്കുന്നത്. 8 മുതല്‍ 10 വരെ സമ്മേളനത്തിന് മുന്നോടിയായുള്ള വര്‍ക്ക്‌ഷോപ്പുകളാണ്. 10 മുതല്‍ 12 വരെ പ്രധാന കോണ്ഫറന്സ് നടക്കും. ഇതിലേക്കുള്ള നേരിട്ടോ പോസ്റ്റര്‍ രൂപത്തിലോ ഉള്ള അവതരണങ്ങള്‍ക്കാവശ്യമായ ആശയങ്ങളാണ് പൊതുജനാരോഗ്യ മന്ത്രാലയം ക്ഷണിച്ചത്. 2021 ജൂലൈ 4 വരെ ആശയങ്ങള്‍ സമര്‍പ്പിക്കാന്‍ അവസരമുണ്ട്.
ഹമദ് മെഡിക്കല്‍ കോര്‍പ്പറേഷനും ഖത്തര്‍ പൊതുജനാരോഗ്യ മന്ത്രാലയവും സംയുക്തമായാണ് ആരോഗ്യ സമ്മേളനം സംഘടിപ്പിക്കുന്നത്.കൂടുതൽ വിവരങ്ങൾക്ക് https://www.hamad.qa സന്ദര്‍ശിക്കാം.
