December 26, 2019
December 26, 2019
ദോഹ : ഖത്തറിൽ മരുന്നുകളും മറ്റ് മെഡിക്കൽ ഉത്പന്നങ്ങളും ഓൺലൈൻ വഴി വാങ്ങുന്നതിനെതിരെ ആരോഗ്യ മന്ത്രാലയം മുന്നറിയിപ്പ് നൽകി. ശരീരത്തിലെ കൊഴുപ്പ് കുറക്കുന്നതുമായി ബന്ധപ്പെട്ട മരുന്നുകൾ ഓൺലൈൻ വഴി വിറ്റഴിക്കപ്പെടുന്നതായി ശ്രദ്ധയിൽ പെട്ടതിനെ തുടർന്നാണ് മന്ത്രാലയം മുന്നറിയിപ്പ് നൽകിയത്. . ഇത്തരം പരസ്യങ്ങൾ സമൂഹ മാധ്യമങ്ങൾ വഴി പ്രചരിക്കുന്നതായി ശ്രദ്ധയിൽ പെട്ടിട്ടുണ്ടെന്നും ഇത്തരക്കാർക്കെതിരെ നടപടിയുണ്ടാവുമെന്നും മന്ത്രാലയം മുന്നറിയിപ്പ് നൽകി. ഓൺലൈൻ വഴി വാങ്ങുന്ന മരുന്നുകൾ ഖത്തറിൽ രജിസ്റ്റർ ചെയ്യപ്പെട്ടതാണെന്ന് ഉറപ്പുവരുത്തണമെന്നും മന്ത്രാലയം നിർദേശിച്ചു.
രാജ്യത്തെ താമസക്കാരുടെ ആരോഗ്യം ഉറപ്പുവരുത്തുന്നതിൽ മന്ത്രാലയം പ്രതിജ്ഞാബദ്ധമാണെന്നും നിരോധിത മരുന്നുകൾ ഒരു തരത്തിലും രാജ്യത്തേക്ക് എത്തുന്നില്ലെന്ന് ഉറപ്പുവരുത്തുമെന്നും ആരോഗ്യമന്ത്രാലയം പ്രസ്താവനയിൽ വ്യക്തമാക്കി.
