March 14, 2022
March 14, 2022
ദോഹ : യുക്രൈനിൽ റഷ്യ ആക്രമണം തുടരുന്ന സാഹചര്യത്തിൽ, ഖത്തർ വിദേശകാര്യ മന്ത്രിയും ഉപ പ്രധാനമന്ത്രിയുമായ ഷെയ്ഖ് മുഹമ്മദ് ബിൻ അബ്ദുൾ റഹ്മാൻ അൽ താനിയും, റഷ്യൻ വിദേശകാര്യ മന്ത്രി സെർജി ലവ്റോവും കൂടിക്കാഴ്ച്ച നടത്തി. അൽ താനിയുടെ മോസ്‌കോ സന്ദർശനത്തിനിടെയാണ് ഇരുവരും നയതന്ത്രചർച്ച നടത്തിയത്.
യുക്രൈനിലെ റഷ്യൻ അധിനിവേശമായിരുന്നു പ്രധാന ചർച്ചാ വിഷയം. പ്രതിസന്ധിക്ക് സമാധാനപൂർണമായി പരിഹാരം കാണാൻ ലോകരാജ്യങ്ങൾക്കൊപ്പം പ്രവർത്തിക്കുമെന്ന് ഉറപ്പുനൽകിയ ഖത്തർ, നയതന്ത്രചർച്ചകളിലൂടെ വിഷയം ഒത്തുതീർപ്പിലെത്തിക്കാൻ കഴിയുമെന്ന ആത്മവിശ്വാസവും പ്രകടിപ്പിച്ചു. കൃത്യമായ സമയത്താണ് ഖത്തറിന്റെ ഇടപെടലെന്നും, നിരവധി കാര്യങ്ങളിൽ ഒന്നിച്ചു പ്രവർത്തിക്കാൻ ഇരുരാജ്യങ്ങൾക്കും കഴിയുമെന്ന് കരുതുന്നു എന്നുമായിരുന്നു റഷ്യൻ വിദേശകാര്യമന്ത്രിയുടെ പ്രതികരണം.
