August 30, 2019
August 30, 2019
സെൻട്രൽ ബാങ്ക് ഓഫ് ഖത്തർ പുറത്തുവിട്ട റിപ്പോര്‍ട്ടിലാണ് ഖത്തറിന്റെ പുതിയ നേട്ടം വ്യക്തമാക്കുന്നത്
ഖത്തറിന്റെ കരുതല്‍ ധനത്തില്‍ റെക്കോര്‍ഡ് വര്‍ധന.കഴിഞ്ഞ വര്‍ഷത്തെ അപേക്ഷിച്ച് 45 ബില്യണ്‍ ഡോളറിന്‍റെ വര്‍ധനവാണ് രാജ്യത്തിന്‍റെ മൊത്തം ആസ്തിയിലുണ്ടായതെന്ന് മിഡിലീസ്റ്റ് മോണിറ്റര്‍ റിപ്പോര്‍ട്ട് ചെയ്തു.
സെൻട്രൽ ബാങ്ക് ഓഫ് ഖത്തർ പുറത്തുവിട്ട റിപ്പോര്‍ട്ടിലാണ് ഖത്തറിന്റെ പുതിയ നേട്ടം വ്യക്തമാക്കുന്നത്. ഇക്കഴിഞ്ഞ മാസം ഖത്തറിന്റെ കരുതൽ ധനം 18.82 ശതമാനം വർധിച്ച് പുതിയ റെക്കോർഡ് സൃഷ്ടിച്ചതായി റിപ്പോര്‍ട്ട് പറയുന്നു രാജ്യത്തിന്‍റെ പക്കലുള്ള കരുതല്‍ ആസ്തികളുടെ മൂല്യം ജൂലൈയിലെ കണക്കനുസരിച്ച് 196.169 ബില്യൺ റിയാൽ അഥവാ 53.92 ബില്യൺ ഡോളർ ആണ്. കഴിഞ്ഞ വര്‍ഷം ജൂലൈ മാസത്തെ അപേക്ഷിച്ച് 45.38 ബില്യണ്‍ ഡോളറിന്‍റെ വര്‍ധനവാണ് ഈ വര്‍ഷം രേഖപ്പെടുത്തിയിരിക്കുന്നത്.
2018 മാർച്ച് മുതൽ തുടർച്ചയായ പതിനേഴാമത്തെ വർധനവാണിത്. പ്രതിമാസ അടിസ്ഥാനത്തിൽ കരുതൽ ആസ്തി 0.8 ശതമാനമായും വർധിച്ചു. സ്വർണം, വിദേശ ബാങ്കുകളിലെ ബാലൻസ്, വിദേശ ബോണ്ടുകൾ, ട്രഷറി ബില്ലുകൾ, ഐ.എം.എഫ് എസ്.ഡി.ആർ നിക്ഷേപങ്ങൾ, മറ്റ് വിദേശ കറൻസി ലിക്വിഡ് ആസ്തികൾ എന്നിവയാണ് ഖത്തറിന്റെ കരുതല്‍ ആസ്തികളായുള്ളത്. അയല്‍ രാജ്യങ്ങള്‍ ഏര്‍പ്പെടുത്തിയ സാമ്പത്തിക രാഷ്ട്രീയ ഉപരോധം രണ്ട് വര്‍ഷം പിന്നിടുന്നതിനിടയിലും ഖത്തറിന്റെ കരുതല്‍ ധനം സ്ഥിരമായി മെച്ചപ്പെടുന്നത് ശ്രദ്ധേയമാണ്
