November 27, 2023
November 27, 2023
ദോഹ :ഖത്തർ വിദേശകാര്യ-അന്താരാഷ്ട്ര സഹകരണ മന്ത്രി ലുല്‍വ അല്‍ഖാതിർ ഉൾപെടെ,ഖത്തറിന്റെ ഉന്നതതല സംഘം ഗസയിൽ എത്തി.വെടി നിർത്തൽ പ്രാബല്യത്തിൽ വന്നതിന് പിന്നാലെയാണ് ഖത്തർ സംഘം റഫാ അതിർത്തി കടന്ന് സംഘർഷ മേഖലയിൽ എത്തിയത്.ഗസ്സയിലേക്ക് കൂടുതല്‍ മാനുഷിക സഹായങ്ങൾ എത്തിക്കുന്നത് അടക്കമുള്ള പ്രവർത്തനങ്ങൾ ഏകോപിപ്പിക്കുമെന്ന് ലുല്‍വ അല്‍ ഖാതിര്‍ പറഞ്ഞു.
ഇസ്രായേലിന്റെ ആക്രമണത്തില്‍ പരിക്കേറ്റവരെയും ഉറ്റവരെ നഷ്ടപ്പെട്ടവരെയും സംഘം ആശ്വസിപ്പിച്ചു. മക്കളും കുടുംബാംഗങ്ങളും കൊല്ലപ്പെട്ടിട്ടും മൃതദേഹം ഖബറടക്കി കാമറയ്ക്ക് മുന്നിലെത്തി ഗസ്സയിലെ യഥാര്‍ഥ വസ്തുതകള്‍ ലോകത്ത് വിളിച്ചുപറഞ്ഞ മാധ്യമപ്രവര്‍ത്തകന്‍ വാഇല്‍ അല്‍ ദഹ്ദൂഹിനെയും കുടുംബത്തെയും സംഘം സന്ദര്‍ശിച്ചു.
2023 ഒക്ടോബർ 7 ന് ഇസ്രായേൽ ആക്രമണം ആരംഭിച്ചതിന് ശേഷം ഇതാദ്യമായാണ് ഒരു അറബ്-ഗൾഫ് രാജ്യത്ത് നിന്നുള്ള ഉന്നതതല സംഘം ഗസ സന്ദർശിക്കുന്നത്.
റഫ അതിര്‍ത്തിയോട് ചേര്‍ന്ന ഗസ്സയിലെ പ്രദേശങ്ങളിലാണ് ലുല്‍വ അല്‍ഖാതിര്‍ സന്ദര്‍ശനം നടത്തിയത്. ഗസ്സയിലേക്ക് നിലവിലുള്ള സഹായങ്ങള്‍ അപര്യാപ്തമാണെന്നും ഉടന്‍ കൂടുതല്‍ സഹായമെത്തിക്കുമെന്നും മന്ത്രി വ്യക്തമാക്കി. വെടിനിര്‍ത്തല്‍ കാലാവധി ദീര്‍ഘിപ്പിക്കുന്നതിനുള്ള ചര്‍ച്ചകള്‍ സജീവമാണെന്നും ലുല്‍വ അല്‍ ഖാതിര്‍ അല്‍ ജസീറ ടി.വിയോട് പറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
