November 22, 2020
November 22, 2020
ദോഹ: കോവിഡ് നിയമങ്ങള് ലംഘിച്ചതിന് ഖത്തര് ആഭ്യന്തര മന്ത്രാലയം ഇന്ന് 63 പേരെക്കുടി പബ്ലിക് പ്രോസിക്യൂഷന് കൈമാറി. 53 പേരെ മാസ്ക്ക് ധരിക്കാത്തതിനും പത്തു പേരെ വാഹനത്തില് അനുവദിച്ചതിലും കൂടുതല് പേരെ കയറ്റിയതിനുമാണ് അറസ്റ്റ് ചെയ്തത്.. വാഹനത്തില് ഡ്രൈവര് ഉള്പ്പെടെ പരമാവധി നാലു പേര്ക്കാണ് നിലവിൽ യാത്ര ചെയ്യാൻ അനുമതിയുള്ളത്.
മാസ്ക് ധരിക്കുക, സാമൂഹിക അകലം പാലിക്കുക, വാഹനത്തില് യാത്ര ചെയ്യുന്നവരുടെ എണ്ണം പരിമിതപ്പെടുത്തുക തുടങ്ങിയ മുന്നറിയിപ്പുകള് ആഭ്യന്തര മന്ത്രാലയം നിരന്തരം നല്കുന്നുണ്ടെങ്കിലും പലരും അവഗണിക്കുകയാണ്. കടുത്ത ശിക്ഷയാണ് ഇത്തരക്കാർക്ക് ലഭിക്കുകയെന്ന് ആഭ്യന്തര മന്ത്രാലയം ഓർമിപ്പിച്ചു.
ഖത്തറിൽ മാസ്ക്ക ധരിക്കാത്തതിന്റെ പേരില് 1,350 പേര്ക്കെതിരേയും വാഹനത്തില് കൂടുതല് പേര് സഞ്ചരിച്ചതിന് 73 പേര്ക്കെതിരേയുമാണ് കേസെടുത്തത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.