August 28, 2020
August 28, 2020
ദോഹ : ഖത്തറിൽ കഴിഞ്ഞ 24 മണിക്കൂറിനിടെ ഒരാൾ കൂടി കോവിഡ് ബാധിച്ചു മരിച്ചതായി പൊതുജനാരോഗ്യ മന്ത്രാലയം അറിയിച്ചു.ഇതോടെ മരണസംഖ്യ 196 ആയി.208 പേർക്കാണ് പുതുതായി കോവിഡ് സ്ഥിരീകരിച്ചത്.2983 പേരാണ് ഇനി രാജ്യത്ത് കോവിഡ് പോസറ്റിവ് ആയി തുടരുന്നത്.
മലയാളിയാണ് കഴിഞ്ഞ 24 മണിക്കൂറിനിടെ ചികിത്സയിലിരിക്കെ മരണപ്പെട്ടതെന്നാണ് വിവരം. കോഴിക്കോട് വടകര വില്യാപ്പള്ളി അരയാക്കൂൽ സ്വദേശി വെങ്ങപ്പറ്റ കുഞ്ഞമ്മദ്(53) ദോഹയിൽ കോവിഡ് ബാധിച്ചു മരണപ്പെട്ടതായി നേരത്തെ ന്യൂസ്‌റൂം റിപ്പോർട്ട് ചെയ്തിരുന്നു.
അതേസമയം,220 പേർക്കാണ് പുതുതായി രോഗമുക്തി ലഭിച്ചത്.115,017 പേർ ഇതുവരെ കോവിഡിൽ നിന്ന് മുക്തി നേടിയിട്ടുണ്ട്.പുതുതായി 46 പേരെ കൂടി ആശുപത്രിയിൽ പ്രവേശിപ്പിച്ചതോടെ ചികിത്സയിൽ തുടരുന്നവരുടെ എണ്ണം 427 ആയി.നാലു പേരെ തീവ്രപരിചരണ വിഭാഗത്തിലേക്ക് മാറ്റിയിട്ടുണ്ട്.68 പേരാണ് നിലവിൽ തീവ്രപരിചരണ വിഭാഗത്തിലുള്ളത്.
ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.
