January 24, 2022
January 24, 2022
ദോഹ : രാജ്യത്ത് തുടർച്ചയായ മൂന്നാം ദിവസവും നാലായിരത്തിലധികം കോവിഡ് രോഗികൾ രോഗമുക്തി നേടി. 4083 ആളുകളാണ് ഇന്ന് കോവിഡിൽ നിന്നും മുക്തിനേടിയത്. ഇന്ന് കോവിഡ് ബാധിച്ച് രണ്ട് പേർ കൂടെ മരിച്ചതായും ആരോഗ്യ മന്ത്രാലയം സ്ഥിരീകരിച്ചു. 97, 74 വയസുള്ള വ്യക്തികളാണ് ചികിത്സയിൽ ഇരിക്കെ മരണമടഞ്ഞത്. ഇതോടെ രാജ്യത്തെ ആകെ കോവിഡ് മരണങ്ങൾ 636 ആയി.
ഇന്ന് 2748 പേർക്കാണ് ഖത്തറിൽ കോവിഡ് ബാധയുണ്ടായത്. സമ്പർക്കത്തിലൂടെ 2297 പേർക്ക് കോവിഡ് പിടിപെട്ടപ്പോൾ, 451 പേർ വിദേശത്ത് നിന്നും എത്തിയവരാണ്. തീവ്രപരിചരണവിഭാഗത്തിൽ കഴിയുന്ന 90 പേരടക്കം ആകെ 444 പേരാണ് ആശുപത്രികളിൽ ചികിത്സയിൽ കഴിയുന്നത്. ഇന്ന്, ബൂസ്റ്റർ ഡോസുകൾ അടക്കം ആകെ 32118 വാക്സിൻ കുത്തിവെപ്പുകൾ നടത്തിയതായും മന്ത്രാലയം അറിയിച്ചു.
