January 20, 2022
January 20, 2022
ദോഹ : ഖത്തറിൽ ഇന്ന് രോഗബാധിതരെക്കാൾ കൂടുതൽ രോഗമുക്തി റിപ്പോർട്ട് ചെയ്യപ്പെട്ടതായി ആരോഗ്യ മന്ത്രാലയം. അതേസമയം, കോവിഡ് ബാധിച്ച് ഇന്നും ഒരാൾ മരണമടഞ്ഞു. 85 വയസുള്ള വ്യക്തിയാണ് ചികിത്സയിൽ ഇരിക്കെ മരണമടഞ്ഞത്. ഇതോടെ രാജ്യത്തെ ആകെ കോവിഡ് മരണങ്ങൾ 632 ആയി.
ഇന്ന് 3294 പേർക്കാണ് ഖത്തറിൽ കോവിഡ് ബാധയുണ്ടായത്. സമ്പർക്കത്തിലൂടെ 2934 പേർക്ക് കോവിഡ് പിടിപെട്ടപ്പോൾ, 360 പേർ വിദേശത്ത് നിന്നും എത്തിയവരാണ്. 3917 ആളുകളാണ് ഇന്ന് കോവിഡിൽ നിന്നും മുക്തിനേടിയത്. തീവ്രപരിചരണവിഭാഗത്തിൽ കഴിയുന്ന 102 പേരടക്കം ആകെ 586 പേരാണ് ആശുപത്രികളിൽ ചികിത്സയിൽ കഴിയുന്നത്. ഇന്ന്, ബൂസ്റ്റർ ഡോസുകൾ അടക്കം ആകെ 29860 വാക്സിൻ കുത്തിവെപ്പുകൾ നടത്തിയതായും മന്ത്രാലയം അറിയിച്ചു.
