January 28, 2021
January 28, 2021
ദോഹ : ആറു മാസത്തെ ഇടവേളക്ക് ശേഷം തുടർച്ചയായ രണ്ടാം ദിവസവും പഖത്തറിൽ പ്രതിദിന കോവിഡ് കേസുകളുടെ എണ്ണം മുന്നൂറു കവിഞ്ഞു.ഇന്ന് പുതുതായി 347 പേർക്ക് കൊവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. 163 പേർ കൊവിഡ് മുക്തരായി. രാജ്യത്ത് ആകെ കൊവിഡ് മുക്തി നേടിയവരുടെ എണ്ണം 145,414 ആയി.
ബുധനാഴ്ച്ചയാണ് 338 കേസുകൾ റിപ്പോർട്ട് ചെയ്യപ്പെട്ടത്. ചൊവ്വാഴ്ച 299 പുതിയ കേസുകൾ ഉണ്ടായിരുന്നു. അതേസമയം ഇന്ന് (വ്യാഴാഴ്ച) പുതിയ കേസുകൾ വീണ്ടും വർദ്ധിച്ചു 347 ആയി ഉയർന്നു.
കഴിഞ്ഞ വർഷം ജൂലൈ മാസത്തിന് ശേഷം ആദ്യമായാണ് പ്രതിദിന കേസുകൾ 300 കവിയുന്നതെന്ന് അൽ ഷർഖ് പത്രം റിപ്പോർട്ട് ചെയ്തു. ഇതിനിടെ കേസുകൾ താഴ്ന്ന് മിക്ക ദിവസങ്ങളിലും 200 ലും താഴെ പോയിരുന്നു.
കേസുകൾ ഇനിയും വർധിച്ചാൽ ലോക്ക്ഡൌൺ തുടങ്ങിയ കർശനമായ നടപടികളിലേക്ക് പോകേണ്ടിവരുമെന്നാണ് പലരും ഭയപ്പെടുന്നത്.
കോവിഡ് മുൻകരുതലുകൾ എല്ലാവരും പാലിക്കണമെന്ന് അഭ്യർത്ഥിച്ചു ഖത്തർ സമൂഹ മാധ്യമങ്ങളിൽ ഇന്നലെ ക്യാമ്പയ്‌ൻ ആരംഭിച്ചു. 'ഞാൻ ഫേസ് മാസ്ക് ധരിക്കും' എന്ന ഹാഷ്ടാഗിൽ തുടങ്ങിയ ക്യാമ്പയ്‌ന് വൻ പ്രതികരണമാണ് ലഭിക്കുന്നത്.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
