November 16, 2021
November 16, 2021
ദോഹ : തിരക്കേറിയ ട്രാഫിക്കിൽ കളിചിരികളുമായി ഇടംപിടിച്ച, യാത്രക്കാർക്ക് ആനന്ദമേകിയ സെക്യൂരിറ്റി ജീവനക്കാരന് ട്രാഫിക് ജനറൽ ഡയറക്ടറേറ്റിന്റെ അനുമോദനം. തന്നെ കടന്ന്‌ പോവുന്ന ഓരോ യാത്രക്കാരനെയും ചിരിച്ചുകൊണ്ട് അഭിവാദ്യം ചെയ്യുന്ന ജീവനക്കാരന്റെ വീഡിയോ സമൂഹമാധ്യമങ്ങളിൽ തരംഗമായിരുന്നു. പിന്നാലെയാണ് അർഹിച്ച ആദരം തേടിയെത്തിയത്.
ദാഫ്ന പ്രദേശത്തെ ലൈസി ബോണപ്പാർട്ട് സ്കൂളിന് അടുത്തായി ഗതാഗതം നിയന്ത്രിച്ച അബു ബക്കർ സഈദ് ബുയ് എന്ന ജീവനക്കാരനെയാണ് ജനങ്ങളിൽ ട്രാഫിക് അവബോധം വളർത്താൻ സഹായിച്ചതിന് ട്രാഫിക്ക് ഡയറക്ടറേറ്റ് അനുമോദിച്ചത്. കേണൽ മുഹമ്മദ് റാദി അൽ ഹജ്‌രി, ട്രാഫിക്ക് ബോധവത്കരണ ഡിപ്പാർട്ട്മെന്റിലെ മേധാവിയായ ജാബിർ മുഹമ്മദ് ഒദൈബ എന്നിവർ ചടങ്ങിൽ പങ്കെടുത്തു.
